الماتىدا زاڭسىز سالىنعان بازار بۇزىلىپ جاتىر

سوت شەشٸمٸمەن رىسقۇلوۆ داڭعىلى, 420 مەكەنجايىندا ورنالاسقان «ٷمٸت» بازارى سٷرٸلٸپ جاتىر. بۇل تۋرالى الماتىنىڭ قالا قۇرىلىسىن باقىلاۋ باسقارماسىنىڭ ٶكٸلدەرٸ ايتتى, دەپ حابارلايدى Dalanews.kz

بۇعان دەيٸن جوسپاردان تىس تەكسەرۋ بارىسىندا مەنشٸك يەسٸنە تيٸستٸ قۇجاتتارىنىڭ بولماۋىنا بايلانىستى ەكٸمشٸلٸك شارالار قولدانىلىپ, انىقتالعان زاڭبۇزۋشىلىقتاردى جويۋ جٶنٸندە نۇسقاما بەرٸلگەن.

2025 جىلى 22 شٸلدەدە باسقارما اتالعان نىساندى سٷرۋ تۋرالى تالاپ-ارىزدى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا جولدادى. 2025 جىلى 27 تامىزدا سوت باسقارمانىڭ تالابىن قاناعاتتاندىردى.

سوت شەشٸمٸن ورىنداۋ اياسىندا مەنشٸك يەسٸ عيماراتتى ٶز ەركٸمەن بۇزۋدى باستادى.