الماتى قالاسىندا رەسەي، قىرعىزستان، وزبەكستان جانە گرۋزيا ازاماتتارىنىڭ زاڭسىز كوشى-قون لەگى انىقتالدى، دەپ حابارلايدى Dalanews.kz.
الماتى پروكۋرورلارى زاڭسىز كوشى-قون ارناسىنىڭ جولىن كەستى.
"شەتەل ازاماتتارىنىڭ ەل اۋماعىنا زاڭسىز كەلۋىنە، جالعان قۇجاتتار بويىنشا تۇراقتى تۇرۋعا رۇقسات الۋ نەگىز بولعان. 05.06.2024 جىلى ناۋرىزباي اۋداندىق سوتىندا ق ر قك-نىڭ 394-بابى 1-بولىگىمەن ناۋرىزباي اۋدانىنىڭ پروكۋراتۋراسى باستاعان سوتقا دەيىنگى تەرگەپ-تەكسەرۋ بويىنشا ايىپتاۋ ۇكىمى شىعارىلدى. كىنالى ادام قىلمىستىق جاۋاپتىلىققا تارتىلدى"، - دەپ حابارلادى پروكۋراتۋرا.
ادەتتە، زاڭسىز كوشى-قوندى ۇيىمداستىرۋ، جالعان فيرمالار ارقىلى جۇزەگە اسىرىلادى. قازىرگى ۋاقىتتا پروكۋراتۋرانىڭ قاداعالاۋ اكتىسى بويىنشا مەملەكەتتىك كىرىس ورگاندارى، جالعان فيرمالاردىڭ مەملەكەتتىك تىركەۋدىن جارامسىز دەپ تانۋ جۇمىستارىن جۇرگىزۋدە.
