الماتىدا تەحنوگەندىك سيپاتتاعى اپات بولا جازداعان، - دەپ حابارلايدى Dalanews.kz.
الماتى كولىك پروكۋراتۋراسى جەر، ساۋلەت، قالا قۇرىلىسى جانە قۇرىلىس قىزمەتى تۋرالى زاڭنامانىڭ ساقتالۋىنا قاتىستى تالداۋ جۇرگىزىلگەن. تەكسەرىس ناتيجەسىندە اۆتوموبيل گاز تولتىرۋ كومپرەسسورلىق ستانسيالارىن سالۋعا جەر ۋچاسكەسىن بەرۋ كەزىندە ەلەۋلى بۇزۋشىلىقتار انىقتالعان.
اتاپ ايتقاندا، ۋاكىلەتتى ورگان قولدانىستاعى نورمالاردى بۇزا وتىرىپ، استىنان كارىز قۇبىرلارى وتەتىن تەكتونيكالىق بۇزىلۋ ايماعىندا ورنالاسقان بولىنبەيتىن جەر تەلىمىن مەگاپوليستىڭ اۆتوبۋس پاركىنە جانارماي قۇيۋ ءۇشىن بەرگەن.
وسىلايشا، جاۋاپتى لاۋازىمدى تۇلعالار تەحنوگەندىك سيپاتتاعى توتەنشە جاعدايلاردىڭ تۋىنداۋ قاۋپىنە جول بەرگەن.
كولىك پروكۋراتۋراسى ارالاسقاننان كەيىن كىنالى لاۋازىمدى ادامدار اكىمشىلىك جاۋاپكەرشىلىككە تارتىلىپ، وسى جەر ۋچاسكەسىن الماتى قالاسى اكىمدىگىنىڭ بالانسىنا قايتارۋ شارالارى قابىلدانىپ جاتىر.
