الماتىدا QazNews24 اتتى ساتيرالىق پابليكتىڭ اۆتورى تەمىرلان ەڭسەبەك ۇستالىپ، ۋاقىتشا ۇستاۋ يزولياتورىنا قامالدى، - دەپ حابارلايدى Dalanews.kz.
الماتى پوليسيا دەپارتامەنتىنىڭ مالىمەتىنە سۇيەنسەك، الەۋمەتتىك جەلىدەگى جازبا ارقىلى ۇلتارالىق ارازدىقتى قوزدىرعانى ءۇشىن پاراقشا ادمينىنە قاتىستى قىلمىستىق ءىس تەرگەلىپ جاتىر.
"وسى قىلمىستىق قۇقىقبۇزۋشىلىقتى جاسادى دەگەن كۇدىكپەن پابليكتەردىڭ ءبىرىنىڭ اۆتورى ۇستالىپ، ۋاقىتشا ۇستاۋ يزولياتورىنا قامالدى"، - دەدى الماتى پوليسيا دەپارتامەنتىنىڭ باسپا ءسوز قىزمەتى وكىلى.
ق ر قىلمىستىق كودەكسىنىڭ 174-بابى ("الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ") بويىنشا كۇدىكتى جەتى جىلعا دەيىن باس بوستاندىعىنان ايىرىلۋى مۇمكىن.
