الماتىدا ق.ي. سەتباەۆ اتىنداعى قازاق ۇلتتىق زەرتتەۋ تەحنيكالىق ۋنيۆەرسيتەتٸندە جاڭارتىلعان ستۋدەنتتٸك جاتاقحانانىڭ اشىلۋ رەسٸمٸ ٶتتٸ. بۇل تاريحي عيماراتتا كەزٸندە اتى اڭىزعا اينالعان «دوس-مۇقاسان» انسامبلٸ قۇرىلعان بولاتىن. قايتا جٶندەۋدەن كەيٸن «دوس-مۇقاسان ۇياسى» دەگەن اتاۋ يەلەنٸپ, ستۋدەنتتەرگە جاڭا باسپانا عانا ەمەس, ۋنيۆەرسيتەتتٸڭ مەدەني مۇراسىن ايشىقتايتىن ورىنعا اينالدى,- دەپ حابارلايدى Dalanews.kz
جاتاقحانانىڭ اشىلۋ سالتاناتىنا الماتى قالاسى ەكٸمٸنٸڭ ورىنباسارى ازامات قالدىبەكوۆ, ۋنيۆەرسيتەت رەكتورى مەن وقىتۋشى-پروفەسسورلار قۇرامى, سونداي-اق «دوس-مۇقاسان» انسامبلٸنٸڭ اڭىزعا اينالعان ٶكٸلدەرٸ – دوسىم سٷلەەۆ, مۇرات قۇسايىنوۆ, ۇلىقپان سىدىقوۆ جەنە مەيٸربەك مولدابەكوۆ قاتىستى.
"بٷگٸن ق.ي. سەتباەۆ اتىنداعى قازاق ۇلتتىق زەرتتەۋ تەحنيكالىق ۋنيۆەرسيتەتٸ ٷشٸن تاريحي كٷن. جاتاقحانا وقۋ ورنىنىڭ قاراماعىنا قايتارىلىپ, پايدالانۋعا تاپسىرىلدى. بۇل – قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ جارييالاعان «زاڭ جەنە تەرتٸپ» قاعيداتىنىڭ ناقتى ورىندالۋىنىڭ ايعاعى. ۋنيۆەرسيتەت باسشىلىعىن, ۇستازدار مەن ستۋدەنتتەردٸ وسى قۋانىشتى وقيعامەن شىن جٷرەكتەن قۇتتىقتايمىن", – دەدٸ الماتى قالاسى ەكٸمٸنٸڭ ورىنباسارى ازامات قالدىبەكوۆ.
ايتا كەتسەك, بٸرنەشە اي بۇرىن جاتاقحانا سوت شەشٸمٸمەن ۋنيۆەرسيتەتكە قايتارىلعان بولاتىن. سوت جەكەشەلەندٸرۋ بويىنشا جاسالعان كەلٸسٸمدەردٸ زاڭسىز دەپ تانىپ, عيماراتتى ۋنيۆەرسيتەت قاراماعىنا بەرۋ تۋرالى قاۋلى شىعاردى. وسىلايشا, «دوس-مۇقاسان» اتىمەن بايلانىستى تاريحي عيمارات ستۋدەنتتەرگە قايتا بۇيىردى.
قازٸرگٸ تاڭدا الماتىدا 120-دان استام ستۋدەنتتەر ٷيٸ پايدالانۋعا بەرٸلگەن. سونىمەن قاتار ەربٸر جوعارى وقۋ ورنىندا ستۋدەنتتەردٸڭ تۇرمىستىق مەسەلەلەرٸن شەشۋگە ارنالعان احۋالدىق ورتالىقتار جۇمىس ٸستەيدٸ.
