الماتىدا بيىلعى 1-توقسانىنىڭ قورىتىندىسى بويىنشا مەگاپوليستە تۋريستەردىڭ جالپى سانى 473.309 ادامعا جەتتى. بۇل وتكەن جىلدىڭ وسى كەزەڭىمەن سالىستىرعاندا 4،6% كوپ. شەتەلدىك تۋريستەر سانى 3،4% ءوسىپ، 122،8 مىڭ ادامنان استى، دەپ حابارلايدى Dalanews.kz. 

تۋريستىك سالادا جۇمىسپەن قامتىلعان حالىق سانى 2،6% ارتىپ، 80 838 ادامعا نەمەسە الماتىنىڭ ەڭبەككە قابىلەتتى حالقىنىڭ جالپى سانىنىڭ 7،4%-نا جەتتى.

سونىمەن قاتار، 6 ايدا تۋريزم سالاسىنا سالىنعان ينۆەستيسيا 2،5 ەسە ءوسىپ، 45،2 ملرد تەڭگەنى نەمەسە نەگىزگى كاپيتالعا سالىنعان ينۆەستيسيانىڭ جالپى سانىنىڭ 6،3% بولدى. وسى سالاداعى سالىق ءتۇسىمى ەكى ەسە ءوستى - بيىل 1-توقسانىندا ول 21،7 ملرد تەڭگەگە جەتتى. جەرگىلىكتى بيۋدجەتتىڭ سالىق كىرىستەرىنىڭ جالپى كولەمىندەگى ءتۇسىمنىڭ ۇلەسى 5،2%-دى كورسەتتى.

كورسەتكىشتەردىڭ ءوسۋى الماتىنىڭ تۋريستىك دەستيناسيا رەتىندەگى تارتىمدىلىعىنىڭ ارتقانىن كورسەتەدى. ءوز كەزەگىندە تۋريستىك قىزمەت پەن ينفراقۇرىلىمعا سۇرانىستىڭ ارتۋى ينۆەستورلاردى تارتادى، جاڭا جۇمىس ورىندارىن قۇرۋعا جانە ساپالى قىزمەت كورسەتۋگە جەتەلەيدى.

ماسەلەن، بيىل ماۋسىم ايىندا الماتى حالىقارالىق اۋەجايىنىڭ جولاۋشىلار لەگىن 14 ملن ادامعا دەيىن ۇلعايتقان جاڭا تەرمينال اشىلدى. سوڭعى 5 جىلدا الماتىدا 1 375 ءنومىرلى 14 قوناق ءۇي اشىلدى، ونىڭ ىشىندە جەلىلىك دەڭگەيدەگى قوناق ۇيلەر (Hilton، Accor جانە InterContinental) بار. 2027 جىلى نومىرلىك قوردى 1،5 ەسەگە - 17 مىڭ نومىرگە دەيىن ۇلعايتۋ جوسپارلانىپ وتىر.