Almatyda bıylǵy 1-toqsanynyń qorytyndysy boıynsha megapolıste týrıserdiń jalpy sany 473.309 adamǵa jetti. Bul ótken jyldyń osy kezeńimen salystyrǵanda 4,6% kóp. Sheteldik týrıser sany 3,4% ósip, 122,8 myń adamnan asty, dep habarlaıdy Dalanews.kz. 

Týrısik salada jumyspen qamtylǵan halyq sany 2,6% artyp, 80 838 adamǵa nemese Almatynyń eńbekke qabiletti halqynyń jalpy sanynyń 7,4%-na jetti.

Sonymen qatar, 6 aıda týrızm salasyna salynǵan ınvestısıa 2,5 ese ósip, 45,2 mlrd teńgeni nemese negizgi kapıtalǵa salynǵan ınvestısıanyń jalpy sanynyń 6,3% boldy. Osy saladaǵy salyq túsimi eki ese ósti - bıyl 1-toqsanynda ol 21,7 mlrd teńgege jetti. Jergilikti búdjettiń salyq kiristeriniń jalpy kólemindegi túsimniń úlesi 5,2%-dy kórsetti.

Kórsetkishterdiń ósýi Almatynyń týrısik destınasıa retindegi tartymdylyǵynyń artqanyn kórsetedi. Óz kezeginde týrısik qyzmet pen ınfraqurylymǵa suranystyń artýy ınvestorlardy tartady, jańa jumys oryndaryn qurýǵa jáne sapaly qyzmet kórsetýge jeteleıdi.

Máselen, bıyl maýsym aıynda Almaty halyqaralyq áýejaıynyń jolaýshylar legin 14 mln adamǵa deıin ulǵaıtqan jańa termınal ashyldy. Sońǵy 5 jylda Almatyda 1 375 nómirli 14 qonaq úı ashyldy, onyń ishinde jelilik deńgeıdegi qonaq úıler (Hilton, Accor jáne InterContinental) bar. 2027 jyly nómirlik qordy 1,5 esege - 17 myń nómirge deıin ulǵaıtý josparlanyp otyr.