الماتىدا اۆتوبۋستاردىڭ بٸرٸندە جولاۋشىلار اراسىندا جانجال شىقتى. جەبٸرلەنۋشٸنٸڭ ايتۋىنشا, ورىس تٸلدٸ ەيەل وعان قازاق تٸلٸندە سٶيلەگەنٸ ٷشٸن ايقايلاپ, بالاعاتتاپ, قورقىتقان. ٸستٸ باقىلاۋعا العان زاڭگەر مەيٸرمان شەكەەۆ قۇقىق بۇزۋشىنىڭ ٷستٸنەن ٸس قوزعالعانىن مەلٸمدەدٸ, دەپ حابارلايدى Dalanews.kz.
“بٸرنەشە كٷن بۇرىن اۆتوبۋستا بٸر ەيەل ايقايلاپ سٶيلەدٸ. مەن وعان جاي سٶيلەسۋٸن ٶتٸنگەندە, ول ايقايلاپ بالاعاتتاپ, قورقىتىپ, تەلەفونعا ۆيدەوعا تٷسٸرە باستادى. سول كەزدە مەن دە جاعدايدى تەلەفونعا تٷسٸردٸم”, - دەيدٸ ول.
دٶرەكٸلٸك تانىتقان ەيەل ورىس تٸلٸندە سٶيلەپ, جەبٸرلەنۋشٸنٸ قورقىتىپ, ار-نامىسىنا تيەتٸن سٶزدەر قولدانعان.
“كەيٸن ول ماعان “گوۆوري پو‑رۋسسكي” دەپ ايقايلاي باستادى. نەگە مەن ٶز ەلٸمدە قازاقشا سٶيلەي المايمىن? قازاقشا سٶيلەسەم, ورىسشا سٶيلەۋٸمدٸ تالاپ ەتتٸ”, - دەدٸ جەبٸرلەنۋشٸ.
وقيعانى باقىلاۋعا العان زاڭگەر مەيٸرمان شەكەەۆ جەبٸرلەنۋشٸنٸڭ ارىزىنا سەيكەس ەرەكەت جاسالعانىن ايتتى.
“قازٸرگٸ تاڭدا جەبٸرلەنۋشٸ بٸزگە كٶمەككە جٷگٸندٸ, بٸز تيٸستٸ ارىزىمىزدى پوليتسيياعا جولدادىق. سٸزدەردٸڭ قولداۋلارىڭىز ٶتە ماڭىزدى. سەبەبٸ مۇنداي وقيعالار كٶبٸنە “جابۋلى قازان” كٷيٸندە قالىپ جاتادى. قازاقستاندا قازاق تٸلٸ مەملەكەتتٸك تٸل, ەربٸر ازامات ٶز تٸلٸندە سٶيلەۋگە قۇقىلى. بۇل وقيعا ساباق بولۋ ٷشٸن بٸز ٸستٸ سوڭىنا دەيٸن جەتكٸزەمٸز”, - دەپ مەلٸمدەدٸ ول.
اراعا ۇزاق ۋاقىت سالماي زاڭگەر جاقسى جاڭالىعىن جەتكٸزدٸ.
“كەشەگٸ بەينەجازباعا سٸزدەردٸڭ قولداۋلارىڭىز ارقاسىندا الماتى قالاسى, الاتاۋ اۋداندىق پوليتسييا باسقارماسى جەدەل ەرەكەت ەتٸپ, قۇقىق بۇزۋشىنى انىقتادى. قۇقىق بۇزۋشىنىڭ ٷستٸنەن ٸس قوزعالىپ, ەرتەڭ سوتقا جٸبەرٸلەدٸ. قولداۋلارىڭىزعا مىڭ دا بٸر العىس!”, - دەدٸ زاڭگەر.
ال دٶرەكٸلٸك تانىتقان ەيەل ٶز كٸنەسٸن مويىنداپ, قازاق حالقىنان كەشٸرٸم سۇرادى.
“مەن ٶز كٸنەمدٸ مويىندايمىن. 12 جەلتوقسان كٷنٸ 81‑اۆتوبۋستا بولعان جانجال ٷشٸن كەشٸرٸم سۇرايمىن. بۇدان بىلاي وسىنداي ەرەكەت قايتالانبايدى. كەلەسٸ جولى سٶزدەرٸم مەن ەرەكەتتەرٸمە اباي بولامىن”, - دەپ مەلٸمدەدٸ ول.
