الماتىدا قارالى قاۋىم حالىق قاھارمانى, باتىر عارىشكەر تالعات مۇساباەۆتى اقتىق ساپارعا شىعارىپ سالۋ ٷشٸن وفيتسەرلەر ٷيٸنە جينالدى. اتاقتى ۇشقىش-عارىشكەر 4 تامىزدا 75 جاسىنا قاراعان شاعىندا ٶمٸردەن وزدى, دەپ حابارلايدى Dalanews.kz Zakon.kz-عا سٸلتەمە جاساپ.
بٷگٸن, تاڭەرتەڭ قازاقستاننىڭ حالىق قاھارمانىن سوڭعى ساپارعا شىعارىپ سالۋ ٷشٸن 28 گۆارديياشى-پانفيلوۆشىلار اتىنداعى ساياباققا باتىردىڭ تۋىستارى, ەرٸپتەستەرٸ, زييالى قاۋىم ٶكٸلدەرٸ مەن بەلگٸلٸ تۇلعالار جينالدى.
قارالى جيىنعا رەسەيلٸك عارىشكەر سەرگەي كريكالەۆ تە ارنايى كەلدٸ. ول تالعات مۇساباەۆپەن بٸرگە جۇمىس ٸستەۋ باقىتىنا يە بولعانىن ايتىپ, ونىڭ جۇمىستاعى جەنە ٶمٸردەگٸ جاقسى قىرلارىنا توقتالدى.
سونداي-اق مارقۇمنىڭ ەرٸپتەستەرٸمەن بٸرگە بەلگٸلٸ عارىشكەرلەر توقتار ەۋبەكٸروۆ پەن ايدىن ايىمبەتوۆ تە قوشتاسۋ رەسٸمٸنە قاتىستى.
وفيتسەرلەر سارايىنىڭ فويەسٸندە قۇرمەتتٸ قاراۋىل قويىلدى.
قارالى قاۋىم ٸشٸنەن بٸرقاتار دەپۋتاتتاردىڭ قاراسى دا بايقالادى. ولاردىڭ اراسىندا مەسليحات تٶراعاسى مەيٸرجان وتىنشيەۆ, مەجٸلٸس دەپۋتاتى ازات پەرۋاشەۆ, عالىم راحمان الشانوۆ, زاپاستاعى گەنەرال-لەيتەنانت بەكسۇلتان سەرسەكوۆ تە بار. عارىشتان كەيٸن تالعات مۇساباەۆ زاڭ شىعارۋ سالاسىمەن دە اينالىسقانى بەلگٸلٸ. ول سەنات دەپۋتاتى, قوعام قايراتكەرٸ بولا وتىرىپ, كٶپتەگەن يگٸ باستامالارعا باستاماشىلىق ەتكەن.
قارالى قاۋىمعا جينالعان يگٸ-جاقسىلار كەزەك-كەزەك سٶز الىپ, ٶز قىزمەتٸن وتاندىق عارىش سالاسىن دامىتۋعا ارناعان بٸرەگەي باتىردىڭ ەرەن ەڭبەگٸ مەن ٶشپەس ەرلٸگٸن باسا اتاپ ٶتتٸ.
بۇدان كەيٸن 28 پانفيلوۆشى-گۆارديياشىلار اتىنداعى ساياباقتا ازا تۇتۋ ميتينگٸسٸ ٶتەتٸنٸ بەلگٸلٸ. مارقۇم كەنساي زيراتىنا جەرلەنەدٸ.
ايتا كەتسەك, تالعات مۇساباەۆ 1951 جىلى 7 قاڭتاردا فابريچنوە اۋىلىندا (الماتى وبلىسى, جامبىل اۋدانى) دٷنيەگە كەلگەن. ول قازاقستاننىڭ حالىق باتىرى, قازاقستان رەسپۋبليكاسى اۆياتسيياسىنىڭ گەنەرال-لەيتەنانتى, تەحنيكا عىلىمدارىنىڭ دوكتورى بولىپ تابىلادى. تالعات مۇساباەۆ عارىشقا 1994, 1998 جەنە 2001 جىلدارى ٷش رەت ۇشقان. سونداي-اق ول قر ۇلتتىق عارىش اگەنتتٸگٸنٸڭ تٶراعاسى (2007-2016 ) بولدى. 2017 جىلدان 2023 جىلعا دەيٸن مۇساباەۆ قازاقستان رەسپۋبليكاسى پارلامەنتٸ سەناتىنىڭ دەپۋتاتى بولدى.
كٷنٸ كەشە مەملەكەت باسشىسى قاسىم-جومارت توقاەۆ اتاقتى ۇشقىش-عارىشكەر, حالىق قاھارمانى, مەملەكەت جەنە قوعام قايراتكەرٸ تالعات مۇساباەۆتىڭ قايتىس بولۋىنا بايلانىستى كٶڭٸل ايتتى. سونىمەن قاتار, "روسكوسموس" تالعات مۇساباەۆتىڭ قازاسىنا بايلانىستى كٶڭٸل بٸلدٸردٸ.
