الماتى قالاسىندا 1–10 سەۋٸر ارالىعىندا ٶتەتٸن «ستوپ-بۇزۋشىلىق» جەدەل-پروفيلاكتيكالىق ٸس-شاراسىنىڭ باستالۋىنا وراي پوليتسييانىڭ كەشەندٸ جەنە قوسىمشا كٷشتەرٸنٸڭ بٸرىڭعاي گارنيزوندىق ساپتىق جيىنى ٶتتٸ, دەپ حابارلايدى Dalanews.kz.
ٸس-شاراعا استانا قالاسىنان, اقمولا, قاراعاندى جەنە جامبىل وبلىستارىنان كەلگەن قوسىمشا كٷشتەر تارتىلدى. كٷشەيتۋ شارالارى قۇقىق بۇزۋشىلىقتاردىڭ الدىن الۋ تيٸمدٸلٸگٸن ارتتىرۋعا, قوعامدىق تەرتٸپتٸ قامتاماسىز ەتۋگە جەنە مەگاپوليستەگٸ جول قوزعالىسى قاۋٸپسٸزدٸگٸن نىعايتۋعا باعىتتالعان.
جەكە قۇرام الدىندا سٶز سٶيلەگەن الماتى قالاسى پوليتسييا دەپارتامەنتٸنٸڭ باستىعى, پوليتسييا گەنەرال-مايورى ايدىن كابدۋلدينوۆ بارلىق بٶلٸمشەلەردٸڭ ٷيلەسٸمدٸ ٸس-قيمىلى مەن زاڭدىلىقتى قاتاڭ ساقتاۋدىڭ ماڭىزدىلىعىن اتاپ ٶتتٸ.
«پوليتسييانىڭ ەربٸر ەرەكەتٸ زاڭدى, اشىق ەرٸ كەسٸبي بولۋى تيٸس. بٸزدٸڭ باستى مٸندەتٸمٸز – ازاماتتاردىڭ قاۋٸپسٸزدٸگٸن قامتاماسىز ەتۋ جەنە قۇقىقتىق تەرتٸپتٸ ساقتاۋ», – دەدٸ ول.
وپەراتسييا بارىسىندا قۇقىق بۇزۋشىلىقتاردىڭ الدىن الۋعا, ارانداتۋشىلىقتاردىڭ جولىن كەسۋگە جەنە قوعامدىق تەرتٸپتٸ بۇزۋدىڭ كەز كەلگەن دەرەكتەرٸنە جەدەل ەرەكەت ەتۋگە ەرەكشە نازار اۋدارىلادى.
گارنيزوندىق ساپتىق جيىن تارتىلعان بارلىق كٷشتەردٸڭ ٷيلەسٸمدٸلٸگٸن قامتاماسىز ەتۋدە, تەرتٸپتٸ نىعايتۋدا جەنە كٷشەيتٸلگەن قىزمەت اتقارۋ جاعدايىندا قويىلعان مٸندەتتەردٸ ورىنداۋعا دايىندىقتى ارتتىرۋدا ماڭىزدى كەزەڭ بولدى.
«ستوپ-بۇزۋشىلىق» ٸس-شاراسىن ٶتكٸزۋ كريمينوگەندٸك احۋالدى تۇراقتاندىرۋعا, جول قاۋٸپسٸزدٸگٸن قامتاماسىز ەتۋگە, قۇقىق بۇزۋشىلىق دەڭگەيٸن تٶمەندەتۋگە, ازاماتتاردىڭ قۇقىقتىق ساناسىن ارتتىرۋعا جەنە قاۋٸپسٸز قالالىق ورتا قالىپتاستىرۋعا باعىتتالعان.
