الماتىدا قالا كٷنٸ مەرەكەسٸ جەنە حالىق قاھارمانى, مەملەكەتتٸك سىيلىقتىڭ لاۋرەاتى, قازاقستاننىڭ ەڭبەك سٸڭٸرگەن قايراتكەرٸ, كومپوزيتور, ديريجەر ەرٸ كٷيشٸ نۇرعيسا تٸلەنديەۆتٸڭ تۋعانىنا 100 جىل تولۋىنا وراي مەموريالدىق مۋزەيدە قايتا جاڭعىرتىلعان ەكسپوزيتسييا اشىلدى,- دەپ حابارلايدى Dalanews.kz
الماتى ەكٸمٸ دارحان ساتىبالدى, كومپوزيتوردىڭ قىزى ديريجەر, قازاقستاننىڭ ەڭبەك سٸڭٸرگەن قايراتكەرٸ دٸنزۋحرا تٸلەنديەۆا, سونداي-اق زييالى قاۋىم مەن مەدەنيەت ٶكٸلدەرٸ جاڭارتىلعان مۋزەيدٸ ارالاپ كٶردٸ. قالا باسشىسى اتاپ ٶتكەندەي, مۋزەيدٸڭ جاڭارۋى مەگاپوليستٸڭ مەدەني ٶمٸرٸندەگٸ ماڭىزدى وقيعا بولىپ وتىر.
1979-1998 جىلدارى كومپوزيتور وتباسىمەن تۇرعان بۇل ٷي بٷگٸندە مەموريالدىق مۋزەي رەتٸندە جۇمىس ٸستەيدٸ. مۇندا قازاق مۋزىكاسىنىڭ وزىق تۋىندىلارى دٷنيەگە كەلگەن, شىعارماشىلىق كەزدەسۋلەر مەن رەپەتيتسييالار ٶتكەن سول كەزەڭنٸڭ اتموسفەراسى ساقتالعان.
جاڭعىرتۋدان كەيٸن كٶرمە زالدارىنىڭ اۋماعى 161 شارشى مەترگە دەيٸن ۇلعايدى. مۋزەيگە زاماناۋي مۋلتيمەدييالىق قۇرىلعىلارمەن جابدىقتالعان ەكٸ جاڭا زال قوسىلدى. سونداي-اق, بٸرەگەي قولجازبالار, ارحيۆتٸك سۋرەتتەر مەن كومپوزيتوردىڭ جەكە زاتتارىنان تۇراتىن سيرەك ەكسپوزيتسييا ۇسىنىلدى.
ەكسپوزيتسيياداعى ەڭ قۇندى جەدٸگەردٸڭ بٸرٸ 1934 جىلى احمەت جۇبانوۆ سىيعا تارتقان اڭىزعا اينالعان «داريعا-دومبىرا». كومپوزيتوردىڭ جارى داريعا تٸلەنديەۆانىڭ ەسٸمٸمەن اتالعان قاسيەتتٸ دومبىرا ونىڭ شىعارماشىلىق شابىت نىشانىنا اينالدى. سونداي-اق, مۋزەيدە كومپوزيتوردىڭ اناسى سىيلاعان فورتەپيانو دا ساقتالعان.
بۇعان دەيٸن الماتى قالاسى مۋزەيلەر بٸرلەستٸگٸ پاريجدەگٸ يۋنەسكو شتاب-پەتەرٸندە ۇلى قازاق كومپوزيتورىنىڭ مۇراسىنا ارنالعان مەرەيتويلىق كٶرمە ٶتكٸزگەن بولاتىن. نۇرعيسا تٸلەنديەۆتٸڭ 100 جىلدىعى يۋنەسكو-نىڭ مەرەيتويلىق داتالار تٸزٸمٸنە ەنگٸزٸلٸپ, قازاق مۋزىكاسى دانىشپانىنىڭ ەلەمدٸك مەدەنيەتكە قوسقان ٷلەسٸ حالىقارالىق دەڭگەيدە مويىندالدى.
