الماتىدا «يننوۆاسيالىق تەحنولوگيالار پاركى» ارنايى ەكونوميكالىق ايماعىنىڭ اۋماعىندا مەديسينالىق بۇيىمدار شىعاراتىن جاڭا جوعارى تەحنولوگيالىق زاۋىتتىڭ اشىلۋى ءوتتى،- دەپ حابارلايدى Dalanews.kz
Juldyz Kenan Co.، Ltd كومپانياسى - بۇل كاتەتەر، زوندتار، پاتولوگيالىق ماتەريالداردى جيناۋعا ارنالعان كونتەينەرلەر جانە ەلدەگى باسقا دا مەديسينالىق ونىمدەردىڭ جالعىز ءوندىرۋشىسى. ينۆەستيسيالاردىڭ جالپى كولەمى 2،1 ملرد تەڭگەنى قۇرادى. كاسىپورىندا 100-گە جۋىق جۇمىس ورنى قۇرىلدى، وندىرىستىك قۋاتتىلىق جىلىنا 10 ملن بىرلىككە دەيىن ءونىم شىعارۋعا مۇمكىندىك بەرەدى. زاۋىت ونىمدەرى مەديسينانىڭ ءارتۇرلى باعىتتارىندا — رەانيماسيا مەن حيرۋرگيادان باستاپ نەوناتولوگيا مەن پەدياترياعا دەيىن سۇرانىسقا يە. بۇكىل جەلى سەرتيفيكاتتالعان جانە ISO 13485 حالىقارالىق ساپا ستاندارتتارىنا سايكەس كەلەدى.
كاسىپورىن وندىرىستىك سيكلدىڭ بارلىق كەزەڭدەرىن قامتيدى: جوبالاۋدان باستاپ كلينيكالىق سىناقتارعا، وراۋ جانە ستەريلدەۋگە دەيىن. جالپى اۋدانى 7 000 شارشى مەتر بولاتىن اۋماقتا زاماناۋي وندىرىستىك جەلىلەر، زەرتحانا جانە قويما ءۇي-جايلارى ورنالاسقان. وندىرىستىك ۇدەرىستەرگە ەكسترۋزيا، قىسىممەن قۇيۋ، فرەزەرلەۋ، جيناۋ، وراۋ جانە H14 سىنىپتى تازا ءوندىرىس جاعدايىندا ستەريلدەۋ كىرەدى.
ينۆەستور جانە زاۋىت باسشىسى باعلان باككۋلوۆتىڭ ايتۋىنشا، Juldyz Kenan كومپانياسى نارىقتا 30 جىلدان استام ۋاقىتتان بەرى جۇمىس ىستەپ كەلەدى جانە بۇگىندە 169 ءتۇرلى ءونىم ءتۇرىن ۇسىنادى. جاڭا كاسىپورىننىڭ اشىلۋىمەن كومپانيا ىشكى نارىقتاعى سۇرانىستىڭ 90%-ىنا دەيىن قامتاماسىز ەتە الاتىن بولادى. بۇگىندە كومپانيا ونىمدەرى 2670-تەن استام مەديسينالىق ۇيىمعا جەتكىزىلىپ وتىر. سونىمەن قاتار، رەسەي، وزبەكستان، قىرعىزستان، تاجىكستان، بەلارۋس، يران جانە اۋعانستان ەلدەرىنە ەكسپورت جۇزەگە اسىرىلۋدا.
كومپانيا يننوۆاسيالاردى ەنگىزۋگە ەرەكشە نازار اۋدارادى. اتاپ ايتقاندا، ينەسىز جۇيەلەردى تىركەۋ اياقتالدى، ولاردى نارىققا جىلىنا 3-4 ملن داناعا دەيىن شىعارۋ جوسپارلانۋدا. ءوندىرىس اقش كومپونەنتتەرىن قوسا العاندا، جوعارى ساپالى، ءقاۋىپسىز شيكىزاتتى قولدانۋ ارقىلى جۇزەگە اسىرىلادى.
اشىلۋ سالتاناتى اياسىندا مەديسينا عىلىمدارىنىڭ دوكتورى، اكۋشەرلىك، گينەكولوگيا جانە پەريناتولوگيا عىلىمي ورتالىعى ديرەكتورلار كەڭەسىنىڭ ءتورايىمى زاۋرەش امانجولوۆا زاۋىت ونىمدەرى بۇگىندە بوسانۋ كەزىندە قولدانىلىپ جاتقانىن اتاپ ءوتتى. اتاپ ايتقاندا، كاسىپورىن بۇعان دەيىن وتاندىق نارىقتا قولجەتىمسىز بولعان جاڭا تۋعان سابيلەرگە ارنالعان قىسقىشتاردى ءوندىرۋدى جولعا قويعان.
زاۋىتتىڭ اشىلۋى وتاندىق ونەركاسىپ پەن مەديسينالىق ينفراقۇرىلىمدى دامىتۋداعى، سونداي-اق قازاقستاننىڭ مەديسينالىق بۇيىمدار سالاسىنداعى ەكسپورتتىق الەۋەتىن نىعايتۋداعى ماڭىزدى قادام بولدى. ەستەرىڭىزگە سالا كەتەيىك، بۇگىندە زاۋىت ورنالاسقان «يننوۆاسيالىق تەحنولوگيالار پاركى» اەا قاتىسۋشىلارى 182 كومپانيا بولىپ تابىلادى، تارتىلعان ينۆەستيسيالار كولەمى 205 ملرد تەڭگەنى قۇرايدى، 6 900-دەن استام جۇمىس ورنى قۇرىلدى. 2025 جىلى مۇندا 18،5 ملرد تەڭگەگە التى جاڭا جوبانى ىسكە قوسۋ جوسپارلانۋدا (ونىڭ ىشىندە Juldyz Kenan Ltd.).
