الماتىدا لايدىڭ استىندا قالعان ٷيدە ەگٸز بالا بولعان. بۇل تۋرالى الماتىدا سەل جٷرگەن اۋداندا 30 جىلدان اسا ۋاقىت تۇرىپ جاتقان تۇرعىن ايشاگٷل ەرمانوۆا ايتتى, - دەپ حابارلايدى Dalanews.kz.
ايشاگٷل ەرمانوۆا اۋداندا لاي كٶشكٸنٸ جٷرگەنٸن قالاي ەستٸگەنٸن ايتىپ بەردٸ.
"ساعات 01.50-دە ماعان حابارلاسىپ, "ايشا, تۇر, جەر سٸلكٸنٸسٸ بولىپ جاتىر" دەدٸ. بٸردەن تۇرىپ, كيٸنٸپ, سٸڭلٸمدٸ وياتىپ, دالاعا شىقسام تاۋ قۇلاپ جاتىر ەكەن. قانشاما كٶلٸك كەلدٸ, ٸزدەستٸرۋ جۇمىستارىن جٷرگٸزدٸ. بٸز شىققاندا تج قىزمەتكەرلەرٸ كەلٸپ تۇر ەكەن. ٷيٸندٸ استىندا قالعان دەگەن ادامداردى كٶپ كٶرمەپپٸن, ولار كەيٸن كٶشٸپ كەلگەن بولۋى كەرەك. دٷكەنگە كەلٸپ تۇراتىن, ەگٸز بالالارى بار", - دەيدٸ تۇرعىن Massaget.kz تٸلشٸسٸنە.
ونىڭ سٶزٸنشە, مۇنداي سەلدەر جيٸ بولىپ تۇراتىن كٶرٸنەدٸ.
"10 جىل بۇرىن بولعان. سول كەزدە بٸر ەجەي قايتىس بولعان. بٸزدە دە قورقىنىش بار. ٷيدە ەشكٸم جوق, دالاعا شىعىپ كەتتٸك", - دەيدٸ تۇرعىن.
