الماتىدا Hyundai Elantra جۇرگىزۋشىسى جاياۋ جۇرگىنشىنى قاعىپ كەتتى، دەپ حابارلايدى Dalanews.kz.
الەۋمەتتىك جەلىلەردەگى كەيبىر دەرەككوز مالىمەتىنشە، Hyundai Elantra كولىگىنىڭ جۇرگىزۋشىسى جەڭىل دارەجەدەگى ماس كۇيدە رىسقۇلوۆ داڭعىلىندا جاياۋ جۇرگىنشىنى قاعىپ كەتكەن.
زارداپ شەككەن ەر ادام الماتى قالالىق جەدەل كومەك اۋرۋحاناسىنا جەتكىزىلگەن.
"جابىرلەنۋشى - ساعادات نۇرماعامبەتوۆ اتىنداعى قۇرلىق اسكەرىنىڭ اسكەري ينستيتۋتى مايورى. وقيعا كەزىندە ول دەمالىستا بولعان"، - دەپ جازىلعان egovpress مالىمەتىندە.
وقيعانىڭ ءمان-جايى ناقتىلانىپ جاتىر.
