19–30 قىركٷيەك ارالىعىندا الماتى قالاسىندا شاحماتتان كادەتتەر اراسىنداعى ەلەم چەمپيوناتى ٶتەدٸ, دەپ حابارلايدى Dalanews.kz.
ٶتكەن جىلى يتالييانىڭ مونتەسيلۆانو قالاسىندا ٶتكەن ەلەم چەمپيوناتىنا 77 ەلدەن 700-دەن استام جاس شاحماتشى قاتىستى. بيىلعى چەمپيوناتتا قاتىسۋشىلار سانى ارتىپ, 88 ەلدەن 851 ويىنشى, سونىڭ ٸشٸندە 231 قازاقستاندىق تٸركەلدٸ.
چەمپيونات بالۋان شولاق اتىنداعى سپورت جەنە مەدەنيەت سارايىنىڭ باس ارەناسىندا ٶتەدٸ. بۇعان دەيٸن بۇل جەردە 2022 جىلى راپيد پەن بليتستەن ەلەم چەمپيوناتى جەنە 2024 جىلى جاسٶسپٸرٸمدەر اراسىنداعى ازييا بٸرٸنشٸلٸگٸ ٶتكەن بولاتىن.
فوتو: Dalanews.kz
كٶپتەگەن بالا ٷشٸن شەتەل اسىپ, حالىقارالىق جارىستارعا بارۋ قارجىلاي دا, ۇيىمداستىرۋشىلىق تۇرعىدان دا وڭاي ەمەس. سوندىقتان الماتىدا ٶتەتٸن دودا – 200-دەن استام قازاقستاندىق جاسٶسپٸرٸمگە ٶزٸن كٶرسەتۋگە, ەلەمنٸڭ ٷزدٸكتەرٸمەن ويناپ, تەجٸريبە جيناۋعا جەنە رەيتينگٸن كٶتەرۋگە تاپتىرماس مٷمكٸندٸك.
قازاقستان شاحمات فەدەراتسيياسىنىڭ پرەزيدەنتٸ تيمۋر تۋرلوۆ الماتىدا ٶتٸپ جاتقان كادەتتەر اراسىنداعى فيدە چەمپيوناتىنىڭ اشىلۋىندا سٶز سٶيلەپ, جارىستىڭ ماڭىزدىلىعىن اتاپ ٶتتٸ.
"بٷگٸن كادەتتەر اراسىنداعى فيدە چەمپيوناتىنىڭ اشىلۋ رەسٸمٸ ٶتٸپ جاتىر. بۇل – جاس شاحماتشىلاردىڭ ەلەم چەمپيونى اتاعى ٷشٸن باق سىنايتىن ەلەمدٸك دەڭگەيدەگٸ باستى جارىستاردىڭ بٸرٸ. نەگٸزگٸ بەسەكەلەستٸك كەسٸبي دەڭگەيگە جاس كەزدەن باستالاتىنىن ەسكەرسەك, مۇنىڭ مەنٸ زور. بٸز قازٸر الماتىعا 88 ەلدەن كەلگەن قوناقتاردى قارسى الىپ وتىرمىز. 800-دەن استام جاس شاحماتشى قاتىسادى. بۇل – بٸزدٸڭ ەلدە العاش رەت ٶتٸپ وتىرعان اۋقىمدى جارىس. قاتىسۋشىلاردىڭ سانى دا, ساپاسى دا ٶتە جوعارى", – دەدٸ تۋرلوۆ.
ونىڭ ايتۋىنشا, بۇعان دەيٸن قازاقستاندىق جاس شاحماتشىلار حالىقارالىق تۋرنيرلەرگە شەتەلگە شىعىپ قاتىسىپ كەلگەن. ال بيىلعى چەمپيونات ەلٸمٸزدٸڭ ٶزٸندە ۇيىمداستىرىلىپ وتىرعاندىقتان, بۇل – كٶپتەگەن جاس ويىنشى ٷشٸن تەجٸريبە جيناپ, ەلەمنٸڭ ٷزدٸكتەرٸمەن ويناۋعا بٸرەگەي مٷمكٸندٸك.
"بٸزدە ۇلتتىق دەڭگەيدە ٷلكەن قۇرام بار. قازاقستاننان بٸرنەشە كوماندا قاتىسادى. بۇل كٶپتەگەن جاسٶسپٸرٸمدەرٸمٸز ٷشٸن ەلەمنٸڭ ەڭ مىقتى شاحماتشىلارىمەن بٸر ٷستەلدە ويناپ كٶرۋگە جول اشادى. مۇنداي مٷمكٸندٸك سيرەك بەرٸلەدٸ", – دەدٸ فەدەراتسييا باسشىسى.
تۋرنيرگە حالىقارالىق شاحمات فەدەراتسيياسىنىڭ (فيدە) پرەزيدەنتٸ ارنايى كەلدٸ. جارىسقا ەل استاناسى مەن ٷكٸمەت تاراپىنان دا ٷلكەن قولداۋ كٶرسەتٸلگەن.
"بۇل چەمپيوناتتىڭ ەلٸمٸزدە ٶتۋٸ – بٸز ٷشٸن ٷلكەن مەرتەبە. وعان قالا ەكٸمٸ دە, ۆيتسە-پرەمەر دە ايرىقشا نازار اۋدارىپ وتىر. چەمپيونات دەل وسىنداي قولايلى مەزگٸلدە ٶتٸپ, كەڭ قولداۋ تاۋىپ وتىر", – دەدٸ تيمۋر تۋرلوۆ.
قاتىسۋشىلار
قازاقستان قۇراماسى دا مىقتى ويىنشىلاردى تٸركەدٸ. ولاردىڭ قاتارىندا:
-
ەدينۇر ەدٸلبەك (1837) پەن اليشا بيساليەۆا (1744) – 8 جاسقا دەيٸنگٸ توپتاعى فاۆوريتتەر;
-
الاننا بەرٸكقىزى (2162) – G12 ساناتىندا رەيتينگ كٶشباسشىسى;
-
ەمٸرجان ەنەتوۆ (2081) پەن ريزات ۇلان (2062) – O10 ساناتىنداعى باستى ٷمٸتكەرلەر;
-
جانسايا شولپانبەك (2084) – G12 ساناتىندا ٷزدٸك اتانىپ وتىر;
-
سىمبات جەتپٸس (1761) پەن ميلانا فيليپپوۆا (1755) – G10 ساناتىنداعى فاۆوريتتەر;
-
دانيس قۋاندىقۇلى (2211), 2023 جىلعى ەلەم چەمپيونى (O10), جەنە نۇرالى بولاشاقوۆ (2209) – O12 ساناتىنداعى باستى بەسەكەلەستەر.
اشىلۋ رەسٸمٸنەن كەيٸن بٸردەن 1-شٸ تۋر باستالدى. جالپى 19–30 قىركٷيەك ارالىعىندا شۆەيتسار جٷيەسٸ بويىنشا 11 تۋر ٶتەدٸ. ۋاقىتتى باقىلاۋ – 90+30 فورماتى (ەر پارتيياعا 90 مينۋت جەنە العاشقى جٷرٸستەن باستاپ ەر قادامعا 30 سەكۋند قوسىلادى).
قازاقستاندىق سپورتشىلاردىڭ بۇعان دەيٸنگٸ جەتٸستٸگٸ
قازاقستاندىق شاحماتشىلاردىڭ سوڭعى جىلدارداعى جەتٸستٸكتەرٸ زور. 2024 جىلى يتالييانىڭ مونتەسيلۆانو قالاسىندا ٶتكەن ەلەم چەمپيوناتىندا الاننا بەرٸكقىزى (G10) مەن مارك سميرنوۆ (O12) التىننان القا تاقتى, ال حانزادا امانجول (G12) كٷمٸس جٷلدەگە قول جەتكٸزدٸ. ەل قۇراماسى جالپى ەسەپتە 2 التىن جەنە 1 كٷمٸس مەدالمەن بٸرٸنشٸ ورىنعا شىقتى (قىتاي – 2 التىن, 1 قولا).
2025 جىل دا تابىستى باستالدى. ناۋرىزدا سەربييادا ٶتكەن مەكتەپ وقۋشىلارى اراسىنداعى ەلەم چەمپيوناتىندا ابدۋل-مەلٸك قايرات, اليشا بيساليەۆا جەنە ەلٸمجان جاۋىنباي چەمپيون اتانسا, نۇريسلام سۇلتانحان كٷمٸس جٷلدەگەر بولدى. شٸلدەدە باتۋميدە ٶتكەن ەلەم كۋبوگىندا اليشا بيساليەۆا مەن ەدينۇر ەدٸلبەك (ەكەۋٸ دە U8) التىن جەنە قولا مەدال جەڭٸپ الدى. ال تامىز ايىندا دانيس قۋاندىقۇلى كولۋمبيياداعى جاسٶسپٸرٸمدەر شاحمات وليمپياداسىندا قولا جٷلدە يەلەندٸ. بۇعان قوسا, اقش-تا ٶتكەن مەكتەپ كوماندالارى اراسىنداعى ەلەم چەمپيوناتىندا دانيس قۋاندىقۇلى, احمەدييار سٷگٸراليەۆ, امانبەك ٶتەتٸلەۋ جەنە نۇرسايا جۇمابەك ەل نامىسىن قورعادى.
