ءوتىنىش پەن قۇجاتتار www.kezekte.kz سايتى ارقىلى قابىلدانادى. سايتتا اۆتوريزاسيا «ازاماتتارعا ارنالعان ۇكىمەت» مەملەكەتتىك كورپوراسياسى» كە اق (حقكو) فيليالىنان الۋعا بولاتىن ەلەكتروندى-سيفرلىق قولتاڭبا (ەسق) ارقىلى وتەدى.
ساتىپ الۋ قۇقىعىنسىز جالعا بەرىلەتىن تۇرعىن ءۇي 3 جىل مەرزىمگە بەرىلەدى. جالپى سانى – ناۋرىزباي اۋدانىندا 2 100 پاتەر.
باعدارلاماعا قاتىسۋعا قويىلاتىن نەگىزگى تالاپتار:
‒ 35 (وتىز بەس) جاسقا تولماعان، جالپى ءبىلىم بەرەتىن مەكتەپتەردىڭ جانە (نەمەسە) تەحنيكالىق جانە كاسىپتىك جانە (نەمەسە) ورتا جانە (نەمەسە) جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ءبىلىم بەرۋ وقۋ باعدارلامالارىن مەڭگەرگەن جانە ەڭبەك قىزمەتىن جۇزەگە اسىراتىن قازاقستان رەسپۋبليكاسىنىڭ ازاماتتارى؛
- الماتى قالاسىندا تۇرعىلىقتى جەرى بويىنشا 3 (ءۇش) جىلدان كەم ەمەس تۇراقتى تىركەۋدى راستاۋ (وسى قالادا تۇرعىن ءۇي ساتىپ الۋعا ۇمىتكەرلەر ءۇشىن)؛
- الماتى قالاسىندا 14 جاستان اسقان ءوتىنىش بەرۋشىنىڭ وتباسى مۇشەلەرىنىڭ (جۇبايى جانە بولعان جاعدايدا بالالارى) تۇراقتى تىركەلۋى؛
- ءوتىنىش بەرۋشىنىڭ، جۇبايىنىڭ (زايىبىنىڭ)، كامەلەتكە تولماعان بالالارىنىڭ ءوتىنىش بەرۋدىڭ الدىنداعى 5 (بەس) جىل ىشىندە مەنشىك قۇقىعىندا، جالداۋ قۇقىعىمەن نەمەسە ساتىپ الۋ قۇقىعىنسىز جالعا بەرىلەتىن تۇرعىن ءۇيدىڭ جوقتىعىن راستاۋ (جەرگىلىكتى اتقارۋشى ورگاننىڭ ءتيىستى انىقتاماسىمەن راستالاتىن اپاتتى جاعدايداعى، قۇلاۋ ءقاۋپى بار تۇرعىن ۇيلەردى قوسپاعاندا)؛
- سوڭعى التى ايدا كەمىندە 40 (قىرىق) ايلىق ەسەپتىك كورسەتكىش (2023 جىلعا – 138 مىڭ تەڭگە) مولشەرىنەن كەم ەمەس اي سايىنعى تابىستىڭ بولۋى؛
- بانكتىك جيناق شوتىندا 40 (قىرىق) ايلىق ەسەپتىك كورسەتكىش (2023 جىلعا – 138 مىڭ تەڭگە) مولشەرىنەن كەم ەمەس قالدىق بولۋى.
قاتىسۋشىلاردى ىرىكتەۋ بالدىق جۇيە نەگىزىندە (ەڭ كوپ بالل سانى بويىنشا) جۇرگىزىلەدى. بالل بەرۋ كريتەرييلەرى، سونداي-اق قاجەتتى قۇجاتتار ءتىزىمى جوعارىدا كورسەتىلگەن سايتتا ورنالاستىرىلعان.
ءوتىنىش پەن قۇجاتتاردى تاپسىرعاننان كەيىن باعدارلاماعا قاتىسۋشىلار جوعارىدا كورسەتىلگەن سايتتاعى جەكە كابينەتى ارقىلى بەرىلگەن ءوتىنىشتىڭ ناتيجەسىن دەربەس باقىلايدى.
