الماتى ەكٸمٸ دارحان ساتىبالدىنىڭ تاپسىرماسىمەن قالاداعى عيماراتتاردىڭ سىرتقى جەنە سەۋلەتتٸك جارىقتاندىرۋ جٷيەسٸن جاڭعىرتۋ بويىنشا اۋقىمدى جۇمىس جالعاسىپ جاتىر. باعدارلامانى ٸسكە اسىرۋ قالا كٶشەلەرٸن اناعۇرلىم قاۋٸپسٸز ەرٸ قولايلى ەتٸپ, قوعامدىق كەڭٸستٸكتەردٸ كٶركەيتەدٸ,- دەپ حابارلايدى Dalanews.kz
ەنەرگەتيكا جەنە سۋمەن جابدىقتاۋ باسقارماسىنىڭ دەرەگٸنشە, جىل سوڭىنا دەيٸن قالاداعى 1189 اۋماقتا 20 مىڭنان استام شام مەن تورشەر ورناتىلادى. جۇمىس بارلىق اۋداندى قامتىپ, كٶشەلەر تولىقتاي جارىقتاندىرىلادى. قازٸردٸڭ ٶزٸندە ەۋەزوۆ اۋدانىندا جوبا اياقتالىپ, مەدەۋ اۋدانىندا جالعاسىن تاپقان. باسقا اۋماقتاردا دا جۇمىس قارقىن العان.
سەۋلەتتٸك جارىقتاندىرۋعا دا ەرەكشە كٶڭٸل بٶلٸنٸپ وتىر. بيىل 70 عيمارات پەن ەلەۋمەتتٸك نىساننىڭ جارىق بەرۋ جٷيەسٸ جاڭارتىلماق. قازٸر ونىڭ 25-ٸندە جۇمىس تولىق اياقتالدى, اتاپ ايتساق, ولار تۇرعىن ٷيلەر, مەكتەپتەر, مەديتسينالىق مەكەمەلەر جەنە جوعارى وقۋ ورىندارىنىڭ عيماراتتارى.
دارحان ساتىبالدى جارىقتاندىرۋ جٷيەسٸن دامىتۋ قالانىڭ تۇرمىس ساپاسىمەن تٸكەلەي بايلانىستى ەكەنٸن اتاپ ٶتتٸ.
«سەۋلەتتٸك جارىقتاندىرۋ جۇمىستارىن جەدەلدەتٸپ, كٶشە شامدارىنا قاتىستى بارلىق نىساندى قاتاڭ باقىلاۋعا الۋ قاجەت. بۇل تەك كٶركەيتۋ ەمەس, قالا تۇرعىندارىنىڭ قاۋٸپسٸزدٸگٸ ٷشٸن دە اسا ماڭىزدى شارۋا», – دەدٸ ەكٸم.
جوبانىڭ تيٸمدٸلٸگٸن ارتتىرۋ ٷشٸن «الماتى قالا جارىق» كەسٸپورنىنىڭ جۇمىسىن كٷشەيتۋ جەنە زاماناۋي «اقىلدى» تەحنولوگييا ەنگٸزۋ ۇسىنىلدى. ورناتىلىپ جاتقان شامدار Smart Lighting جٷيەسٸنە قوسىلۋعا مٷمكٸندٸك بەرەتٸن ارنايى قۇرىلعىلارمەن جابدىقتالعان. بۇل بولاشاقتا جارىقتاندىرۋدى اۆتوماتتى تٷردە باسقارۋعا جول اشادى.
ەكٸم ەنەرگەتيكا جەنە سۋمەن جابدىقتاۋ باسقارماسىنا سەۋلەتتٸك جارىقتاندىرۋ بويىنشا قالعان عيماراتتاردا جۇمىستى جەدەلدەتۋدٸ, اۋدان ەكٸمدٸكتەرٸنە رەسۋرستى جۇمىلدىرىپ, كٶشە جارىعىنىڭ بارلىق نىسانىن ەرەكشە باقىلاۋدا ۇستاۋدى تاپسىردى.
