عىلىم جانە جوعارى ءبىلىم ءمينيسترى ساياسات نۇربەك الماتىدا ورىن العان ۇلكەن ءدۇمپۋ كەزىندە قاي جوعارى وقۋ ورىندارىنا زاقىم كەلگەنىن مالىمدەدى، دەپ حابارلايدى Dalanews.kz.

ايتۋىنشا، بۇل قاتاردان ءال-فارابي اتىنداعى قازۇۋ، اباي اتىنداعى قازۇپۋ، قازاق ۇلتتىق قىزدار پەداگوگيكالىق ۋنيۆەرسيتەتى توبە كورسەتكەن. سونىمەن قاتار بىرنەشە جاتاقحانا عيماراتتارىندا جارىقتار پايدا بولعان.

"سەيسميكالىق توزىمدىلىك بويىنشا قالا قۇرىلىسى بولىمدەرىنەن ارنايى مامانداردى شاقىرىپ، ساراپتاما جۇرگىزدىك. تىرەك قۇرىلىمدارىنا زاقىم كەلگەن جوق. جارىقتار بار، ءبىراق بۇل ءقاۋىپ تۋدىرادى دەپ ايتا المايمىز. بارلىق ستۋدەنت دەرەۋ شىعارىلدى. بىرنەشە پۋنكىدە وتەتىن ۇبت توقتاتىلدى. ءبىز بارلىق ساباقتى توقتاتتىق"، - دەدى مينيستر ءماجىلىس كۋلۋارىندا.

ەسكە سالايىق، ق ر تجم "ننسسن ي ي" ج ش س سەيسميكالىق ستانسيالار جەلىسىمەن 4 ناۋرىزدا الماتى ۋاقىتىمەن 11.22-دە (2024 جىلعى 04 ناۋرىزدا گرينۆيچ بويىنشا 06 ساعات 22 مين 06 سەك) جەر سىلكىنىسى تىركەلگەن بولاتىن.

جەر سىلكىنىسىنىڭ ەنەرگەتيكالىق كلاسى - 13.2. MPV ماگنيتۋداسى - 6.1. ەپيسەنتردىڭ كوورديناتتارى 42.93° س. ە. 76.96° ش. ب. تەرەڭدىگى - 10 شاقىرىم. الماتى قالاسىندا 5 بالل بولىپ سەزىلدى.