الماتىدا جەلتوقسان كٶشەسٸ بويىمەن قوزعالىستىڭ جاڭا جٷيەسٸ ەنگٸزٸلەدٸ. ۇزىندىعى 4,6 شاقىرىم بولاتىن جاڭا جەلٸ تيميريازەۆ كٶشەسٸندەگٸ قولدانىستاعى BRT ۋچاسكەسٸ مەن رايىمبەك باتىر داڭعىلى بويىندا سالىنىپ جاتقان اۋماقتى جالعاپ, وڭتٷستٸكتەن سولتٷستٸككە قاراي ٷزدٸكسٸز جىلدام اۆتوبۋس قاتىناسىن قامتاماسىز ەتەدٸ, دەپ حابارلايدى Dalanews.kz
جٷرگٸزۋشٸلەرگە جول ەرەجەلەرٸن قاتاڭ ساقتاپ, جولداعى تاڭبالار مەن بەلگٸلەرگە مۇقييات نازار اۋدارۋ قاجەت. اتالعان اۋماقتا قۇقىقبۇزۋشىلىقتى باقىلاۋعا الاتىن فوتو جەنە بەينە تٸركەۋ جٷيەلەرٸ دە جۇمىس ٸستەيدٸ.
جوبا اياسىندا ارنايى جولاقتار جول بويىنىڭ شەتٸندە ورنالاستىرىلعان. مۇنداي شەشٸم تۇراقتا تۇرعان كٶلٸكتەر مەن كەپتەلٸستەن بولاتىن قولايسىزدىقتاردى ازايتۋعا مٷمكٸندٸك بەرەدٸ. سولتٷستٸك باعىتقا قوزعالعاندا بٶلٸنگەن جولاق كٶشەنٸڭ وڭ جاعىندا, ال كەرٸ باعىتتا سول جاعىندا سىزىلعان. جەكە اۆتوكٶلٸكتەر ٷشٸن اباي داڭعىلىنان سولتٷستٸككە قاراي بۇرىنعىداي بٸرجاقتى قوزعالىس تەرتٸبٸ جەنە جولاق سانى ساقتالادى.
جاڭا باعىتتار بويىنشا اۆتوبۋستار 14 جەلتوقساننان باستاپ ەكٸ باعىتتا دا قاتىناي باستايدى. العاشقى كەزەڭدە №92 جەنە №59 مارشرۋتتارىن ٸسكە قوسۋ جوسپارلانىپ وتىر. مارشرۋتتاردىڭ ناقتى سىزباسى مەن قوزعالىس كەستەسٸ كەيٸنٸرەك جارييالانادى.
ايتا كەتەرلٸگٸ, جوبا اياسىندا بارلىق جولاۋشىعا قولايلى بولۋى ٷشٸن ارنايى كٶتەرٸڭكٸ پلاتفورماسى بار زاماناۋي ايالداما كەشەندەرٸ ورناتىلدى. سونىمەن قاتار ەكٸ قابات اسفالت تٶسەلٸپ, باعدارشامدار, جول بەلگٸلەرٸ, جارىقتاندىرۋ جٷيەسٸ جاڭارتىلىپ, تروتۋار پليتكالارى ارقىلى جٷرگٸنشٸلەر ايماعى كٶرٸكتەندٸرٸلدٸ.
