الماتى اكىمدىگى تۇرعىنداردى گۇلزارلارعا كىرمەۋگە جانە وسىمدىكتەردى زاقىمداماۋعا شاقىردى، دەپ حابارلايدى Dalanews.kz.

بۇعان دەيىن جەلىدە كەيبىر ادامداردىڭ ادەمى سەلفي جاساۋ ءۇشىن گۇلدەردى قالاي تالاپ، كورسەتەتىن ۆيدەوكادرلار پايدا بولعان. 

الماتى ەكولوگيا جانە قورشاعان ورتانى قورعاۋ باسقارماسىنىڭ مالىمەتىنشە، ءقازىر ەسەنتاي وزەنىنىڭ بويىندا ءوسىپ تۇرعان قىزعالداقتار كۇزدە ەگىلگەن. اۋا رايى قولايلى بولعان كەزدە گۇلدەر ءساۋىردىڭ ورتاسىنان مامىرعا دەيىن گۇلدەيدى دەيدى مەكەمە.

“الەۋمەتتىك جەلىلەردە تىركەلگەن فاكتىلەرگە بايلانىستى دەپارتامەنت الماتى تۇرعىندارى مەن قوناقتارىن ساندىك گۇلدى كوگالداندىرۋعا جانە قوعامدىق ورىندارعا قامقورلىق جاساۋعا شاقىرادى”، – دەپ حابارلادى الماتى اكىمدىگى.

ۆەدومستۆو قولدانىستاعى زاڭناماعا سايكەس اباتتاندىرۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىك قاراستىرىلعانىن ەسكە سالادى.

جەكە تۇلعالارعا ەسكەرتۋ نەمەسە 20 اەك (73 840 تەڭگە)، شاعىن كاسىپكەرلىك سۋبەكتىلەرىنە 30 اەك (110 760 تەڭگە)، ورتا كاسىپكەرلىك سۋبەكتىلەرى ءۇشىن 40 اەك (147 680 تەڭگە)، ءىرى كاسىپورىندار ءۇشىن 100 اەك (369 200 تەڭگە) ايىپپۇل سالىنادى.