الماتىداعى ەمحانانىڭ باس بۋحگالتەرٸ باس بوستاندىعىنان ايىرىلدى, - دەپ حابارلايدى Dalanews.kz.
قارجىلىق مٷددەسٸ ٷشٸن بٸرنەشە رەت بٶتەن مٷلٸكتٸ ۇرلاۋعا باعىتتالعان قاساقانا قىلمىس, الدىن الا كەلٸسٸم بويىنشا, ٶزٸنٸڭ قىزمەتتٸك جاعدايىن پايدالانا وتىرىپ, بٸر توپ ادامداردى سوت الدىندا جاۋاپقا تارتۋعا الىپ كەلدٸ.
الماتى قالاسى №30 قالالىق ەمحاناسىنىڭ باس بۋحگالتەرٸ ح. پەن پوليكلينيكانىڭ ەسەپشٸسٸ ت-عا قاتىستى, بٶتەن مٷلٸكتٸ اسا ٸرٸ كٶلەمدە يەمدەنۋ نەمەسە ىسىراپ ەتۋ (قر قك 189-بابى 4-بٶلٸگٸ 2-تارماق) تۋرالى قىلمىستىق ٸس الماتى قالاسى مەدەۋ اۋدانىنىڭ №2 اۋداندىق سوتىندا قارالدى.
سوت وتىرىسى بارىسىندا باس بۋحگالتەر مەن ەسەپشٸنٸڭ, جەكە زاڭسىز تابىس تابۋ مٷددەسٸندە, 2019 جىلدىڭ ماۋسىمنان 2023 جىلدىڭ قاراشا ايىنا دەيٸن جۇمىس ٸستەمەيتٸن ادامداردىڭ كارتوچكا شوتتارىنا جالاقى مەن ٷستەمەلەردٸ ەسەپتەپ اقشا اۋدارعانى انىقتالدى.
قۇقىقبۇزۋشىلىق سحەماسى نەتيجەسٸندە مەملەكەتكە جالپى سوماسى – 340 387 113 تەڭگە ماتەريالدىق زييان كەلتٸرٸلدٸ.
سوتتا سوتتالۋشىلار ٶزدەرٸنٸڭ كٸنەسٸن تولىق مويىندادى. پروكۋرور سوتتالۋشىلارعا 8 جەنە 7,6 جىل باس بوستاندىعىنان ايىرۋدى سۇرادى. جازا تاعايىنداۋ كەزٸندە سوتتالۋشىلاردىڭ جاساعان قىلمىسى ٷشٸن ٶكٸنٸش بٸلدٸرۋٸ جەنە بۇرىن سوتتالماۋى سيياقتى جەڭٸلدەتەتٸن جاعدايلار ەسكەرٸلدٸ.
سوتتىڭ ٷكٸمٸ:
ح. كٸنەلٸ دەپ تانىلدى جەنە وعان 7 جىل 6 اي باس بوستاندىعىنان ايىرۋ جازاسى تاعايىندالدى, 5 جىلعا ماتەريالدىق جاۋاپكەرشٸلٸككە بايلانىستى قىزمەتپەن اينالىسۋ قۇقىعىنان ايىرۋ جازاسى تاعايىندالدى.
ت. كٸنەلٸ دەپ تانىلدى جەنە وعان 7 جىلعا باس بوستاندىعىنان ايىرۋ جازاسى تاعايىندالدى, 5 جىلعا ماتەريالدىق جاۋاپكەرشٸلٸككە بايلانىستى قىزمەتپەن اينالىسۋ قۇقىعىنان ايىرىلدى. ٷكٸم زاڭدى كٷشٸنە ەنگەن جوق.
