الماتىدا ەمحانا مەڭگەرۋشىسى جالعان ۆاكسينالاۋ پاسپورتىن ساتقانى ءۇشىن ۇستالدى، دەپ حابارلادى قالالىق سىبايلاس جەمقورلىققا قارسى قىزمەت.

ونىڭ قاراماعىنداعىلار مەن دەلدالدار دا ۇستالدى.

ولار اقشالاي سىياقىعا 100-دەن استام جالعان ۆاكسينالاۋ پاسپورتىن جاسادى جانە ساتتى دەگەن كۇدىككە ءىلىندى، ياعني مەديسينا قىزمەتكەرلەرى دەنساۋلىق ساقتاۋ مينيسترلىگىنىڭ "ۆاكسينالاۋ" ەلەكتروندى مودۋلىنە جالعان اقپارات ەنگىزگەن، سونىڭ نەگىزىندە "egov.kz" ەلەكتروندى ۇكىمەت پورتالىندا ازاماتتاردىڭ كوروناۆيرۋس ينفەكسياسىنا قارسى ۆاكسينا العانى تۋرالى جالعان ەلەكتروندى پاسپورتتار جاسالعان.

سوتقا دەيىنگى تەرگەۋ جالعاسىپ جاتىر. كۇدىكتىلەرگە قاتىستى سوڭعى شەشىمدى سوت قابىلدايدى.

جالعان ۆاكسينالاۋ پاسپورتىن جاسادى دەگەن كۇدىككە ىلىنگەندەردى قالا پروكۋراتۋراسىنىڭ ۇيلەستىرۋىمەن سىبايلاس جەمقورلىققا قارسى قىزمەت ۇستادى.

https://dalanews.kz/del-qazir/66220-bakeeva-vakcinasyz-biz-omir-boyy-kara