2025 جىلدىڭ 9–11 ءساۋىرى ارالىعىندا Satbayev University قابىرعاسىندا Kazakhstan Smart Space حالىقارالىق بايقاۋىنىڭ فينالدىق كەزەڭى ءوتتى. اتالعان بايقاۋ قازاقستان مەن جاقىن شەتەلدەردەن كەلگەن دارىندى جاستاردىڭ باسىن قوستى، دەپ حابارلايدى Dalanews.kz

بايقاۋ Satbayev Universityء-دىڭ ەلەكترونيكا، تەلەكوممۋنيكاسيا جانە عارىشتىق تەحنولوگيالار كافەدراسىنىڭ ۇيىمداستىرۋىمەن، TRIZATHLON Project (2024–2026) يندۋستريالدى-يننوۆاسيالىق باعدارلاماسى مەن مك2س – حالىقارالىق عارىشتىق جەلىلىك قوعامداستىق جوباسى اياسىندا وتكىزىلدى.

ءۇش كۇنگە سوزىلعان بايقاۋ بارىسىندا قاتىسۋشىلار «ماكەت»، «جۇمىس ىستەيتىن ۇلگى» جانە «عىلىمي-زەرتتەۋ جوباسى» نوميناسيالارى بويىنشا ءوز جۇمىستارىن ۇسىندى. بايقاۋ ءۇش جاس ساناتى بويىنشا وتكىزىلدى: 12 جاسقا دەيىن، 16 جاسقا دەيىن جانە 16 جاستان جوعارى. فينال ارالاس فورماتتا – وفلاين جانە ونلاين – ءوتتى.

«Kazakhstan Smart Space تەك بايقاۋ عانا ەمەس، ينجەنەريا، عىلىم جانە عارىشتى يگەرۋگە قىزىعۋشىلىق تانىتقان جاستاردى انىقتاپ، قولداۋعا ارنالعان ناعىز پلاتفورماعا اينالدى. ءبىز مەكتەپ وقۋشىلارى مەن ستۋدەنتتەردىڭ كۇردەلى تەحنيكالىق جانە زەرتتەۋ تاپسىرمالارىنا قانشالىقتى تەرەڭ بويلاي الاتىنىن كورىپ وتىرمىز — بۇل قازاقستان عىلىمىنىڭ بولاشاعىنا سەنىم ۇيالاتادى. Satbayev University جانە ءبىزدىڭ كافەدرا وسىنداي باستامالاردى ءارى قاراي قولداۋدى جالعاستىرادى، سەبەبى ءدال وسىندا كەلەشەكتەگى ينجەنەرلەر مەن جاڭاشىلداردىڭ ۇرپاعى قالىپتاسادى»، — دەپ اتاپ ءوتتى ەلەكترونيكا، تەلەكوممۋنيكاسيا جانە عارىشتىق تەحنولوگيالار كافەدراسىنىڭ مەڭگەرۋشىسى ەرلان تاشتاي.

بايقاۋ جەڭىمپازدارى:
12 جاسقا دەيىنگى جاس ساناتى

ماكەت:
1 ورىن — SteamX eco kit، شوقان ءۋاليحانوۆ اتىنداعى جەكەمەنشىك مەكتەپ

جۇمىس ىستەيتىن ۇلگى:
1 ورىن — «عارىش قۇپيالارى»، ا.كوشكىمبايەۆا اتىنداعى جالپى ورتا ءبىلىم بەرەتىن مەكتەپ، دونەنباي اۋىلى
2 ورىن — «كۇن جۇيەسى»، №103 مەكتەپ-گيمنازيا

---

16 جاسقا دەيىنگى جاس ساناتى

ماكەت:
1 ورىن — «جەر وربيتاسىن عارىش قوقىستارىنان تازارتۋ»، نوۋ "Sehriyo"
2 ورىن — Astro-1AW، №168 مەكتەپ-گيمنازيا

جۇمىس ىستەيتىن ۇلگى:
1 ورىن — «عارىشتا لازەرلىك ساۋلەمەن ەنەرگيا جەتكىزۋ»، جەزكەنت كەنتىنىڭ مەكتەپ-ليسەيى
2 ورىن — «اتموسفەرادان سۋ جيناۋعا ارنالعان موف»، №79 گيمنازيا
3 ورىن — «عارىشكەرلەردىڭ پسيحولوگيالىق جاعدايىن قولداۋ»، نوۋ "Sehriyo"
3 ورىن — «زىمىران ماكەتى»، ورال قالاسىنداعى فيزيكا-ماتەماتيكا باعىتىنداعى نزم
3 ورىن — «عارىشتىق اپپاراتتار»، "ALEM" يننوۆاسيالىق شىعارماشىلىق ورتالىعى

عىلىمي-زەرتتەۋ جوباسى:
1 ورىن — «جۇلدىزداردىڭ تەمپەراتۋرالىق وزگەرىستەرىن زەرتتەۋ»، جامبىل وبلىستىق دارىندى بالالارعا ارنالعان ليسەي
2 ورىن — «پۋلسارلاردىڭ اينالۋ ەۆوليۋسياسى»، ا.م. گوركيي اتىنداعى گيمنازيا، قوستاناي قالاسى

---

16 جاستان جوعارى جاس ساناتى

ماكەت:
1 ورىن — LikiSanctum، تالدىقورعان قالاسىنداعى نزم (فمن)
1 ورىن — AstroDog، School Millat Umidi جانە نوۋ «Sehriyo»
2 ورىن — «ءۇمىت بۇرلەرى»، نوۋ «Sehriyo»
2 ورىن — Úmit، نازاربايەۆ زياتكەرلىك مەكتەبى، تاراز قالاسى
3 ورىن جانە نسكيت ارنايى جۇلدەسى — «بارلىعى ءۇشىن زىمىران جاساۋ» (وقۋ ورنى كورسەتىلمەگەن)

جۇمىس ىستەيتىن ۇلگى:
1 ورىن — «مارس بازاسى»، تولەبي اۋداندىق وقۋشىلار ءۇيى
2 ورىن — «گولياف» جوعارى ءوتىمدى لۋنوحودى، استانا قالاسىنداعى ءال-فارابي اتىنداعى وقۋشىلار سارايى

عىلىمي-زەرتتەۋ جوباسى:
1 ورىن — «Rausat 2.0 زەرتتەۋ نانو-سپۋتنيگىن ازىرلەۋ»، قىزىلوردا قالاسىنداعى نزم (حبن)
2 ورىن — LasDAT، قىزىلوردا قالاسىنداعى نزم (حبن)
3 ورىن — S.E.R.K.، ماب كوللەدجى

بايقاۋ ۇيىمداستىرۋ كوميتەتى بارلىق قاتىسۋشىلارعا، جەتەكشىلەرگە، وقۋ ورىندارىنا جانە سەرىكتەستەرگە بايقاۋعا جوعارى دەڭگەيدە دايىندالعانى، كرەاتيۆتى كوزقاراسى جانە جاستار عىلىمىن، ينجەنەرياسىن، سونداي-اق عارىشتىق تەحنولوگيالاردى دامىتۋعا قوسقان ۇلەسى ءۇشىن العىسىن بىلدىرەدى.

Kazakhstan Smart Space – بۇل بولاشاق زەرتتەۋشىلەر مەن ينجەنەرلەرگە ارنالعان باستاۋ الاڭى. ول جاڭا بۋىننىڭ باتىل جاڭالىقتار مەن عىلىمي جەتىستىكتەرگە ۇمتىلۋىنا شابىت بەرەدى.