الماتىدا 3 ادامنىڭ ٶلٸمٸنە ەكەپ سوققان اۆتوبۋس اپاتىنا قاتىستى سوت وتىرىسى ٶتتٸ. سوت ٷكٸمٸمەن اۆتوبۋس جٷرگٸزۋشٸسٸن ۇرعان ەر ادام 8 جىلعا سوتتالدى, - دەپ حابارلايدى Dalanews.kz.
"كٷدٸكتٸ دارحان احمەدجانوۆ قر قىلمىستىق كودەكسٸنٸڭ 293-بابى 1-بٶلٸگٸمەن, 351-بابى 3-بٶلٸگٸمەن كٸنەلٸ دەپ تانىلسىن. وعان قر قىلمىستىق كودەكسٸنٸڭ 293-بابى 1-بٶلٸگٸمەن 1 جىل مەرزٸمگە باس بوستاندىعىنان ايىرۋ تٷرٸندەگٸ جازا تاعايىندالسىن. قر قىلمىستىق كودەكسٸنٸڭ 351-بابى 3-بٶلٸگٸمەن 8 جىلعا باس بوستاندىعىنان ايىرۋ تٷرٸندەگٸ جازا تاعايىندالسىن.
قر قىلمىستىق كودەكسٸنٸڭ 58-بابى 2-بٶلٸگٸنە سەيكەس دارحان احمەدجانوۆقا تٷپكٸلٸكتٸ 8 جىل باس بوستاندىعىنان ايىرۋ تٷرٸندەگٸ جازا تاعايىندالسىن. جازانى ٶتەۋ قىلمىستىق اتقارۋ جٷيەسٸنٸڭ قاۋٸپسٸزدٸگٸ بارىنشا تٶمەن مەكەمەسٸندە تاعايىندالسىن", - دەدٸ سۋديا.
ال جەبٸرلەنۋشٸلەردٸڭ تالاپ-ارىزدارى ٸشٸنارا قاناعاتتاندىرىلدى. جەبٸرلەنۋشٸ قۇسايىنوۆانىڭ پايداسىنا 6 ميلليون 397 مىڭ تەڭگە ماتەريالدىق شىعىن, 5 ميلليون تەڭگە مورالدىق شىعىن, جەبٸرلەنۋشٸ بايدۋەليەۆتٸڭ پايداسىنا 10 ميلليون تەڭگە مورالدىق شىعىن ٶندٸرٸلەدٸ.
سوت جٷرگٸزۋشٸ ەرمەك شٶكەباەۆانى جەبٸرلەنۋشٸ دەپ تانىدى. شٶكەباەۆا مەن "دۋمان ترانس" جشس-دەن مورالدىق ٶتەماقى ٶندٸرۋ تۋرالى تالاپ قاناعاتتاندىرىلمادى.
ەسكە سالايىق, 2023 جىلعى جەلتوقساندا الماتىدا اۆتوبۋس ايالدامادا تۇرعان بٸر توپ ادامدى قاعىپ كەتكەن ەدٸ. سالدارىنان 3 ادام مەرت بولدى.
كەيٸن قوعامدىق كٶلٸك جٷرگٸزۋشٸسٸن ۇرعان ەر ادام ۇستالدى. بۇل دەرەك نەگٸزٸندە قر قك-نٸڭ 345-بابى 3-بٶلٸگٸ بويىنشا سوتالدى تەرگەۋ دە باستالدى.
ال اۆتوبۋس جٷرگٸزۋشٸسٸ كەشٸرٸم سۇرادى.
"مەن وسى قايعىلى جاعدايعا بايلانىستى قازا تاپقان مارقۇمداردىڭ تۋىستارىنا كٶڭٸل ايتامىن. مەنٸڭ تاراپىمنان ەشقانداي ەدەيٸ وسىلاي ٸستەيٸن دەگەن نيەت بولعان جوق. مۇندايدى جاۋىما دا تٸلەمەسپٸن. ٶزٸمدٸ كٸنەلٸ سانامايمىن. جولاۋشى ەسٸمنەن تانىپ قالعانشا ۇردى.
اۋرۋحانادا جاتقانىمدا تەرگەۋشٸ كەلدٸ. بٸرەۋٸ ەر, ەكٸنشٸسٸ ەيەل. سٸز زارداپ شەگۋشٸسٸز. كٸنەڭٸز جوق دەپ ايتقان. ەندٸ جازىلىپ شىققاندا اۋىر باپ بويىنشا ايىپتاپ جاتقانىن بٸلدٸم. ٶزٸم ارەنداعا ٷي جالداپ تۇرامىن. ەكٸ بالام بار. سولار ٷشٸن ەڭبەك ەتٸپ كەلەمٸن. مەنٸڭ جۇمىسىما ەشكٸم شاعىمدانباعان. ماعان وسىنداي قىلمىستىق كودەكس بويىنشا نە ٷشٸن اۋىر ايىپ تاعىپ جاتقانىن تٷسٸنبەيمٸن. ەگەر سوققى الماعانىمدا, مۇنداي جول اپاتىنا جول بەرمەس ەدٸم. ەدٸلدٸك بولادى دەپ ٷمٸتتەنەمٸن", – دەيدٸ ەرمەك شٶكەباەۆا.
سونىمەن قاتار, الماتىداعى اۆتوبۋس اپاتىنان قازا تاپقانداردىڭ جاقىندارى بۇعان دەيٸن دە ٶتەماقى تالاپ ەتتٸ.
اۆتوبۋس اپاتىنان قازا تاپقان ەرلٸ-زايىپتى تالاپ قوسىموۆ پەن گٷلجاحان جەتپٸسباەۆانىڭ تۋىسى سٷيٸنباي وڭالبەكۇلى پارك ٶكٸلدەرٸنٸڭ بٸر اپتادان كەيٸن عانا كٶڭٸل ايتقانىن جەتكٸزدٸ. ولاردىڭ ايتۋىنشا, تٸپتٸ سول كەزدە دە كٶمەك كٶرسەتۋ تۋرالى جاق اشپاعان. ال بۇل وتباسىنىڭ ارتىندا تٶرت بالاسى قالعان. تۇرىپ جاتقان باسپانالارى دا نەسيەگە الىنعان ەكەن.
"بانكتەن 17 ميلليون, قالعانىن ٶزدەرٸ اۋىلداعى ٷيلەرٸ مەن كٶلٸكتەرٸن ساتىپ پەتەر الدى. سول بانكتەگٸ اقشاسى جابىلسا, بالالارىنا باسپانا قالار ەدٸ. ەندٸ اۆتوبۋس پاركٸ جاعىنان ٷمٸت كٷتٸپ وتىرمىز. ٷمٸتٸمٸزدٸ اقتايتىن شىعار دەگەن ويدامىز", – دەدٸ سٷيٸنباي وڭالبەكۇلى.
