الماتىدا ارنايى حقكو باسشىسىنىڭ ورىنباسارى الاياقتىق دەرەگى بويىنشا كۇدىككە ءىلىندى، - دەپ حابارلايدى Dalanews.kz.
الماتى قالاسى بويىنشا سىبايلاس جەمقورلىققا قارسى قىزمەت "ازاماتتارعا ارنالعان ۇكىمەت" مەملەكەتتىك كورپوراسياسى" كەاق فيليالى №1 مامانداندىرىلعان ءبولىمى باسشىسىنىڭ حالىققا قىزمەت كورسەتۋ جونىندەگى ورىنباسارىنا قاتىستى سوتالدى تەرگەۋ جۇرگىزىپ جاتىر.
"ول قۇجاتتاردى كەدەرگىسىز قابىلداۋ جانە جۇرگىزۋشى كۋالىكتەرىن الۋ ءۇشىن اۆتومەكتەپ كۋرسانتتارىن ەمتيحان تاپسىرۋعا جىبەرۋ سىلتاۋىمەن جەرگىلىكتى كاسىپكەردەن 930 مىڭ تەڭگە سوماسىندا الاياقتىق جولمەن اقشا قاراجاتىن يەمدەندى دەگەن كۇدىككە ءىلىندى"، - دەپ جازىلعان حابارلامادا.
تەرگەۋ جالعاسىپ جاتىر.
