الماتىدا مونيتورينگ بارىسىندا 500-گە جۋىق زاڭسىز ورنالاستىرىلعان ستاسيونارلىق ەمەس ساۋدا نىساندارى (بۇدان ءارى – سەسن) انىقتالدى،- دەپ حابارلايدى Dalanews.kz
2025 جىلى 4 اقپاننان باستاپ كاسىپكەرلىك جانە ينۆەستيسيالار باسقارماسى جۇمىس توبىنىڭ قاتىسۋشىلارىمەن بىرلەسىپ كوشە ساۋداسى نىساندارىن جويۋعا كىرىستى. بۇگىنگى تاڭدا مەملەكەتتىك قور جەرلەرىندە ورنالاسقان 290 سەسن بۇزىلدى. قالعان 210 سەسن-دى بۇزۋ جۇمىستارى بيىل 15 ناۋرىزعا دەيىن اياقتالادى. كوممۋنالدىق قىزمەتتەر بۇل نىساندارعا زاڭسىز قوسىلعان ينجەنەرلىك جەلىلەردى اجىراتۋدى جالعاستىرىپ وتىر.
سونداي-اق، وسى جۇمىس اياسىندا 222 ويىن-ساۋىق اپپاراتى (سيلومەرلەر) جويىلدى. بۇعان قوسا، قالادا جەر ۋچاسكەلەرىنە مىقتاپ بەكىتىلگەن 32 كۇردەلى قۇرىلىس انىقتالدى. جۇمىس توبى ولاردى ءماجبۇرلى تۇردە بۇزۋدى ۇيىمداستىرۋ ماقساتىندا سوتقا تالاپ-ارىز جىبەرۋگە باستاماشىلىق جاسادى.
الماتىلىقتار بۇل جۇمىسقا وڭ باعا بەرىپ وتىر. اۋەزوۆ اۋدانىنىڭ تۇرعىنى ايگۇل كۇلجاحانوۆا وسى ماسەلەنىڭ اۋداندا ءتورت جىلدان بەرى وزەكتى ەكەنىن ايتادى.
«العاشىندا ءبىزدىڭ فۋركات كوشەسىندە ەكى دۇڭگىرشەك پايدا بولدى، كەيىن تاعى ەكەۋى ورناتىلدى. بىرىنشىدەن، ولار جاقىندا سالىنعان ۆوركاۋت-ايماقتى، سكەيت جانە بالالار الاڭىن جاۋىپ تاستادى. ەكىنشىدەن، سانيتارلىق جاعداي وتە ناشار – ىدىستى دۇڭگىرشەكتىڭ ارتىندا قاراپايىم لەگەندە جۋاتىن، ال كۇندىز ولاردىڭ جانىندا ورامالار، پاكەتتەر مەن تاماق قالدىقتارى شاشىلىپ جاتاتىن. سونىمەن قاتار، جەرگىلىكتى كوللەدج ستۋدەنتتەرى مەن مەكتەپ وقۋشىلارى وسى ماڭدا كوپ جينالاتىن، بۇل مەكتەپ اۋماعىنا ەركىن كىرۋگە كەدەرگى كەلتىرەتىن. ءارى دۇڭگىرشەكتەر گۇلزاردىڭ ورنىنا قويىلىپ، ول تولىقتاي جابىلىپ قالدى. مەن ەكى رەت e-Otinish ارقىلى بيلىككە حات جازىپ، ءتارتىپ ورناتۋدى سۇرادىم. ءبىزدىڭ ۇنىمىزگە قۇلاق اسقانىنا وتە قۋانىشتىمىن. جاقىندا بارلىق ءتورت دۇڭگىرشەك الىنىپ تاستالدى، اۋماق تازارتىلدى، بالالار الاڭىنا كىرەبەرىس اشىلدى. ەندى كوكتەمدە گۇلزارىمىز قايتادان گۇلدەيدى دەپ ۇمىتتەنەمىن»، - دەيدى ايگۇل كۇلجاحانوۆا.
مەدەۋ اۋدانىنىڭ تۇرعىنى تاتيانا كاساتكينا دا دۇڭگىرشەكتەر سۇرىلگەننەن كەيىن كەڭىستىك اشىلىپ، تازالىق ورنادى دەيدى.
«اقىرى دوستىق داڭعىلى بويىنداعى، سونىڭ ىشىندە «دوستىق پلازا» ساۋدا ورتالىعى مەن «وربيتا» شاعىن اۋدانىنداعى دۇڭگىرشەكتەردى الىپ تاستاعانىنا قۋانىشتىمىز. بۇرىن فاستفۋد ساتىپ الۋشىلاردىڭ شاشىپ كەتكەن قوقىستارى ءۇيىلىپ جاتاتىن، ارىقتاردا ەگەۋقۇيرىقتار جۇگىرىپ جۇرەتىن. بىزگە ءالى دە تاماقتانۋ مادەنيەتى مەن تازالىققا ۇيرەنۋ كەرەك سياقتى. ادامدار تاماقتانىپ بولعان سوڭ قوقىستى جەرگە لاقتىرا سالادى. دۇڭگىرشەكتەردىڭ ماڭىنداعى قوقىس جاشىكتەرى ۇنەمى تولىپ تۇراتىن. ونىڭ ۇستىنە، كوشەدە اسىعىس جەلىنەتىن فاستفۋدتىڭ قانشالىقتى پايدالى ەكەنى دە كۇماندى. دۇڭگىرشەك قىزمەتكەرلەرىنىڭ تازالىعى مەن تاماق دايىنداۋداعى سانيتارلىق تالاپتارعا دا كۇمانىم بار. سونىمەن قاتار، مەدەۋ اۋدانىنا تۋريستەر ءجيى كەلەدى، سوندىقتان قالانىڭ جالپى كورىنىسىنە كوڭىل ءبولۋ ماڭىزدى. كوكتەمدە قالامىز ودان ءارى تازارىپ، قۇلپىرا تۇسسە ەكەن دەيمىن»، – دەدى ت.كاساتكينا.
ەسكە سالا كەتەيىك، زاڭسىز سەسن-دەردى انىقتاۋ جانە ولاردى ءسۇرۋ جۇمىستارى الماتى قالاسىنىڭ كاسىپكەرلىك جانە ينۆەستيسيالار باسقارماسى مەن اۋدان اكىمدىكتەرى كوشەدەگى ساۋدانى جويۋ جونىندەگى جۇمىس توبىنىڭ مۇشەلەرىمەن بىرلەسە وتىرىپ كۇندەلىكتى جۇرگىزىلىپ جاتىر.
