مەملەكەت باسشىسىنىڭ سپورتتىق ينفراقۇرىلىمدى جەنە بۇقارالىق سپورتتى دامىتۋ جٶنٸندەگٸ تاپسىرمالارى اياسىندا الماتىدا حالىقارالىق دەڭگەيدەگٸ جاڭا فۋتبول ستاديونىن سالۋ جوسپارلانىپ وتىر. جۇمىس ساپارى بارىسىندا قالا ەكٸمٸ دارحان ساتىبالدى جوبامەن تانىستى,- دەپ حابارلايدى Dalanews.kz
جوبالاۋشىلاردىڭ مەلٸمەتٸنشە, ستاديون 35 مىڭ كٶرەرمەنگە ەسەپتەلٸپ, ۋەفا-نىڭ 4-سانات تالاپتارىنا ساي بولادى. جوبادا جاتتىعۋ بازالارى, جانكٷيەرلەرگە ارنالعان دەمالىس ايماقتارى, زاماناۋي قاۋٸپسٸزدٸك جٷيەسٸ جەنە ٸرگەلەس اۋماقتى اباتتاندىرۋ قاراستىرىلعان.
الماتى ەكٸمٸ جوبانى ٸسكە اسىرۋ قالالىق ينفراقۇرىلىمدى دامىتۋدا ماڭىزدى قادام ەكەنٸن اتاپ ٶتتٸ. حالقى 2 ميلليوننان اساتىن ەلٸمٸزدٸڭ ەڭ ٸرٸ مەگاپوليسٸ ٶسٸپ كەلەدٸ, تۇرعىنداردىڭ, ەسٸرەسە جاستار مەن ستۋدەنتتەردٸڭ سپورت پەن سالاۋاتتى ٶمٸر سالتىنا قىزىعۋشىلىعى كٷننەن-كٷنگە ارتىپ وتىر. وسى ورايدا حالىقارالىق دەڭگەيدەگٸ زاماناۋي ارەنانىڭ سالۋدىڭ ماڭىزى ەرەكشە.
«ٶزدەرٸڭٸز بٸلەسٸزدەر, پرەزيدەنتتٸڭ تاپسىرماسى بويىنشا جۇمىستى جەدەلدەتۋٸمٸز قاجەت. كەلەر جىلى قۇرىلىس-مونتاج جۇمىستارىن باستاۋ كەرەك. بولاشاقتا بۇل جەردە مەترو بەكەتٸن جەنە الماتىنىڭ لوگيستيكالىق حابىن سالۋ جوسپارلانعان», – دەدٸ قالا ەكٸمٸ دارحان ساتىبالدى.
جاڭا ستاديوندى قۇلجا تاس جولى مەن تالعار تاس جولىنىڭ اراسىندا سالۋ جوسپارلانعان. جوبا جٷزەگە اساتىن اۋماقتىڭ كٶلەمٸ شامامەن 15 گەكتار. بۇل جەر قالانىڭ ماڭىزدى كٶلٸك-لوگيستيكالىق تورابىنا اينالىپ, ارەنانى قالالىق ينفراقۇرىلىمعا تيٸمدٸ كٸرٸكتٸرۋگە مٷمكٸندٸك بەرەدٸ. مۇنداي شەشٸم كٶرەرمەندەر مەن قوناقتارعا ىڭعايلى بولۋى ٷشٸن ٸرٸ سپورت نىساندارىن كٶلٸك حابتارىنىڭ ماڭىنا ورنالاستىرۋ جٶنٸندەگٸ ەلەمدٸك تەجٸريبەگە ساي كەلەدٸ.
جوبانى تانىستىرۋ كەزٸندە قالا ەكٸمٸ كٶلٸك قولجەتٸمدٸلٸگٸن قامتاماسىز ەتۋ, اۆتوتۇراق ورىندارىن ۇيىمداستىرۋ جەنە نىساندى قالالىق ورتاعا قوسۋ مەسەلەلەرٸن پىسىقتاۋدى تاپسىردى. سونداي-اق, دارحان ساتىبالدى 65 جىلدان استام بۇرىن سالىنعان ورتالىق ستاديون ساقتالىپ, جەڭٸل اتلەتيكا ينفراقۇرىلىمى ەسكەرٸلە وتىرىپ جاڭعىرتىلاتىنىن, ەرٸ قاراي دا الماتىداعى سپورت تاريحىنىڭ بٸر پاراسى بولىپ قالا بەرەتٸنٸن ايتتى.
