الماتىدا بۇرىن زاڭسىز يەلىكتەن شىعارىلعان ءىرى اكتيۆتەر قايتادان مەملەكەتتىك مەنشىككە ءوتتى، دەپ حابارلايدى Dalanews.kz.
باس پروكۋراتۋرانىڭ مالىمەتىنشە، مەملەكەت باسشىسىنىڭ تاپسىرماسىنا سايكەس زاڭسىز يەلىكتەن شىعارىلعان مەملەكەتتىك اكتيۆتەردى قايتارۋ جۇمىستارى جۇيەلى تۇردە جالعاسىپ جاتىر. وسى شارالار اياسىندا 2019 جىلى «قازاق مادەنيەت عىلىمي-زەرتتەۋ ينستيتۋتى» ءجشس-نىڭ زاڭ تالاپتارىن بۇزا وتىرىپ يەلىكتەن شىعارىلعانى انىقتالعان.اك
مەدەۋ اۋداندىق پروكۋراتۋراسىنىڭ تالاپ-ارىزى نەگىزىندە سوت جاسالعان مامىلەلەردى جارامسىز دەپ تانىدى. ناتيجەسىندە مەملەكەتكە جالپى قۇنى 300 ملن تەڭگەدەن اساتىن اكتيۆتەر قايتارىلدى.
پروكۋراتۋرا مەملەكەتتىك مەنشىكتى قورعاۋ ەرەكشە باقىلاۋدا ەكەنىن جانە بۇل باعىتتاعى جۇمىستىڭ جالعاساتىنىن اتاپ ءوتتى.
