الماتىدا قوعامدىق كٶلٸك جٷيەسٸن دامىتۋ جەنە ەكولوگييالىق احۋالدى جاقسارتۋ اياسىندا قالا اۆتوبۋستارى جاڭارتىلىپ جاتىر. «City Bus» جەكەمەنشٸك اۆتوپاركٸ «Skywell» ماركالى ەلەكتر اۆتوبۋستارىن ساتىپ الدى. بۇل جٶنٸندە الماتى قالاسىنىڭ موبيلدٸلٸك باسقارماسى مەلٸمدەدٸ,- دەپ حابارلايدى Dalanews.kz
جولاۋشىلار تاسىمالداۋعا ارنالعان بۇل تٶمەن ەدەندٸ, كەڭ سىيىمدىلىقتى ەلەكتر اۆتوبۋستار بٸر قۋاتپەن 400 شاقىرىمعا دەيٸن جٷرە الادى. ولار دىبىسسىز قوزعالادى, بەينەباقىلاۋ كامەرالارى, كونديتسيونەر, USB-قۋاتتاعىش پورتتارى, جٷرگٸزۋشٸنٸ باقىلاۋ جٷيەسٸ جەنە ٶزگە دە زاماناۋي جٷيەلەرمەن جابدىقتالعان.
جاڭا اۆتوبۋستار 2025 جىلى 22 ماۋسىمنان باستاپ №19 باعىت بويىنشا, ياعني «نۇركەنت تۇرعىن ٷي كەشەنٸ – الماتى كٶشەسٸ» ارالىعىندا جولاۋشى تاسىمالداي باستايدى. سونىمەن قاتار بۇل باعىتتاعى جولعا شىعاتىن اۆتوبۋستار سانى 16-دان 18-گە دەيٸن ارتتىرىلماق.
ايتا كەتەرلٸگٸ, 2024 جىلى الماتىنىڭ موبيلدٸلٸك باسقارماسى 600 گازبەن جٷرەتٸن اۆتوبۋس, 112 تروللەيبۋس جەنە 100 ەلەكتر اۆتوبۋسىن ساتىپ العان بولاتىن. بۇعان قوسا, قالا ٸشٸندە 3 جاڭا جەنە قالا ماڭىنا 20 باعىت اشىلدى.
2025 جىلى ەكٸمدٸك تاعى 600 گازبەن جٷرەتٸن اۆتوبۋس ساتىپ الۋدى كٶزدەپ وتىر. ال جەكەمەنشٸك تاسىمالداۋشىلار تاعى 118 ەلەكتر اۆتوبۋس ساتىپ الۋدى جوسپارلاعان.
