ناۋرىز مەيرامى اياسىندا ەلٸمٸزدە بۇرىن-سوڭدى بولماعان اۋقىمدى مەدەني شارا ٶتتٸ. قالالىق بٸلٸم باسقارماسىنىڭ ۇيىمداستىرۋىمەن ٶتكەن «دومبىرا ٷنٸ» اكتسيياسىندا 11 500 جاس دومبىراشى بٸر مەزەتتە كٷي ورىنداپ, قازاقستان رەكوردتار كٸتابىنا جاڭا جەتٸستٸك ەنگٸزدٸ, دەپ حابارلايدى Dalanews.kz.
اۋقىمدى شاراعا قالانىڭ 6–10 سىنىپ وقۋشىلارى قاتىسىپ, ۇلتتىق اسپاپتىڭ ٷنٸن بٸر ارناعا توعىستىردى. ۇيىمداستىرۋشىلاردىڭ ايتۋىنشا, اكتسييانىڭ باستى ماقساتى – قازاقتىڭ دەستٷرلٸ مۋزىكاسىن دەرٸپتەۋ, جاس ۇرپاقتىڭ ۇلتتىق ٶنەرگە دەگەن قىزىعۋشىلىعىن ارتتىرۋ جەنە مەدەني مۇرانى كەڭٸنەن ناسيحاتتاۋ.
بٸر ساحنادا باس قوسقان مىڭداعان جاس ٶنەرپاز قازاق حالقىنىڭ باي رۋحاني مۇراسىنا دەگەن قۇرمەتٸن كٶرسەتتٸ. نەتيجەسٸندە بۇل ٸس-شارا ۇلتتىق اسپاپتا كٷيدٸ بٸر ۋاقىتتا ەڭ كٶپ ادام ورىنداعان مەدەني وقيعا رەتٸندە رەسمي تٷردە قازاقستان رەكوردتار كٸتابىنا ەندٸ.
مۋزىكالىق فلەشموب ناۋرىز مەيرامىنىڭ ەڭ جارقىن سەتتەرٸنٸڭ بٸرٸنە اينالىپ, كٶرەرمەندەرگە ەرەكشە ەسەر سىيلادى. ۇيىمداستىرۋشىلاردىڭ پٸكٸرٸنشە, بۇل تەك كونتسەرت ەمەس, مىڭداعان جاس جٷرەكتٸڭ بٸر ىرعاقتا سوعۋى مەن اتا-بابا مۇراسىنا دەگەن قۇرمەتتٸڭ ايقىن كٶرٸنٸسٸ.
ايتا كەتەيٸك, ٶتكەن جىلى تالدىقورعان قالاسىندا ۇلتتىق دومبىرا كٷنٸنە وراي 5 مىڭعا جۋىق ادام قاتىسقان چەللەندج ۇيىمداستىرىلىپ, رەكورد تٸركەلگەن بولاتىن. بٷگٸنگٸ شارا بۇل رەكوردتى جاڭارتتى.
