الماتىدا 10 شاعىناۋدان جارىقسىز قالدى، دەپ حابارلايدى Dalanews.kz.

قالا اكىمدىگى مالىمەتىنشە، 13 قاراشادا جەو-2 نىسانىندا 110 كۆ №124ا جانە №101ا ەلەكتر جەتكىزۋ جەلىلەرى اپات جاعدايىندا اجىراتىلعان. سونىڭ سالدارىنان پس-162ا "العاباس"، پس-169ا "اقبۇلاق" جانە پس-123ا "اتەس-2" قوسالقى ستانسيالارى ۋاقىتشا ەلەكتر ەنەرگياسىنان اجىراتىلعان.

الماتى قالاسىنىڭ الاتاۋ اۋدانىنداعى ءبىرقاتار شاعىناۋدان جارىقسىز قالدى: اقبۇلاق، العاباس، اقكەنت، سايالى، تەرەكتى، عاجايىپ، كوكساي، نۇركەنت، دارابوز، زەردەلى شاعىناۋداندارى مەن رايىمبەك داڭعىلى – مومىش ۇلى – مونكە بي كوشەلەرى بويىنداعى اۋماقتاردا ەلەكتر قۋاتى ۋاقىتشا وشىرىلگەن.

وقيعا ورنىندا ماماندار جۇمىس ىستەپ جاتىر.