الماتىدا اباي الاڭىندا قازاقستان حالقىنىڭ بىرلىگى كۇنىنە ارنالعان مەرەكەلىك كونسەرت ءوتتى. سالتاناتتى ءىس-شاراعا الماتى قالاسىنىڭ اكىمى ەربولات دوسايەۆ قاتىستى.

كونسەرت "جاسStars" توبى مەن ق ر مەملەكەتتىك ەڭبەك سىڭىرگەن "سالتانات" بي ءانسامبلى ورىنداعان "قازاقستان - دوستىق بەسىگى" ۆوكالدىق-بي كومپوزيسياسىمەن اشىلدى، كورەرمەندەر ءۇشىن قازاقستاندىق جانە شەتەلدىك ارتىستەر ونەر كورسەتتى.

ءوز كومپوزيسيالارىن حالىقارالىق بايقاۋلاردىڭ لاۋرەاتتارى زارينا حاسانشينا، وزبەكستان، قاراقالپاقستان، باشقۇرتستان حالىق ءارتىسى جەڭىسبەك پيازوۆ جانە بەلارۋس رەسپۋبليكاسىنىڭ ەڭبەك سىڭىرگەن ءارتىسى جانەت بۋتەرۋس ورىندادى.



ساحنادا كارىس، كاۆكاز، تۇرىك، ۇيعىر، پولياك جانە ت.ب. ۇلتتىق بيلەر ورىندالدى.

اباي الاڭىندا قازاقستان حالىقتارىنىڭ تاعام فەستيۆالى ءوتتى: 15 مەيرامحانا قازاق، كارىس، گرۋزين، ورىس، ۇيعىر جانە ءۇندىنىڭ ۇلتتىق تاعامدارىن ۇسىندى.

مەرەكەلىك ءىس-شارالار جىبەك جولى، پانفيلوۆ كوشەلەرىندە جانە عىلىم اكادەمياسى عيماراتىنىڭ الدىنداعى ش.ءۋاليحانوۆ اتىنداعى سكۆەردە "الماتى اۋەندەرى" ارتىستەرى مەن "الاتاۋ" ءداستۇرلى ونەر تەاترىنىڭ، قازاقستان حالقى اسسامبلەياسىنىڭ، مۋزىكالىق توپتاردىڭ جانە ت.ب. قاتىسۋىمەن  ءوتتى.



مەرەكەلىك باعدارلاما اباي الاڭىندا ساعات 18:00-دە "دوستىق ءانى" كونسەرتىمەن جالعاسادى.



ساحنادا ايقىن تولەپبەرگەن، Qanay، ايگەرىم قالاۋبايەۆا، ارتۋر داۆلەتياروۆ، Ayree جانە كeشYou توبى ونەر كورسەتەدى.

مەرەكەلىك كونسەرت ساعات 22:00-گە دەيىن بولادى.

ايتا كەتەيىك، مەرەكەلىك كونسەرتتەر قالانىڭ بارلىق اۋدانىندا ۇيىمداستىرىلعان.