الماتى ستاتيستيكا دەپارتامەنتى: «حالىق ساناعى كەزىندە ازاماتتاردىڭ جەكە باسىنا قاتىستى مالىمەتتەردىڭ قۇپيالىلىعى تولىقتاي ساقتالادى»

Dalanews 23 تام. 2021 12:35 315

ۇلتتىق حالىق ساناعى كەزىندە قازاقستان رەسپۋبليكاسى ازاماتتارىنىڭ جەكە باسقا قاتىستى اقپاراتتاردىڭ قۇپيالىلىعى جانە اركىمنىڭ ۇيىنە كەلىپ ساناققا قاتىستى ساۋالاناما جۇرگىزەتىن ينتەرۆيۋەرلەر ازاماتتاردىڭ قاۋىپسىزدىگىنە جاۋاپ بەرەدى، – دەپ حابارلايدى Dalanews.kz.

– كەز كەلگەن ۇيگە كەلگەن ينتەرۆيۋەردىڭ قولىندا ارنايى ءمور باسىلىپ كۋالاندىرىلعان جەكە كاۋلىگىن كورسەتۋگە مىندەتتى. سونىمەن قاتار ۇلتتىق ساناققا قاتىساتىن قىزمەتكەرلەردە ارنايى قوسىمشا ورناتىلعان پلانشەتپەن جۇمىس ىستەيدى. سونىمەن قاتار «ۇلتتىق حالىق ساناعى – 2021» بەلگىسى بەينەلەنگەن شارف پەن قول سومكەسى بولاتىنىن ايتا كەتۋىمىز كەرەك، – دەيدى الماتى قالاسى ستاتيستيكا دەپارتامەنتىنىڭ باسپا ءسوز قىزمەتى.

سونىمەن قاتار الماتى قالاسى مەن وزگە ايماقتارداعى تۇرعىندارى حالىق ساناعىنا قاتىستى سۇراقتارىن 1446 انىقتاما تەلەفونىنا حابارلاسىپ بىلۋىنە بولادى. انىقتاما تەلەفونىمەن بايلانىسۋ تەگىن.

ق ر مەملەكەتتىك ستاتيستيكا زاڭىنىڭ 21 باپ، 2 تارماعى بويىنشا حالىق ساناعى كەزىندە الىنعان مالىمەتتەر مەملەكەتتىك ستاتيستيكالىق مالىمەتتەر بازاسىن قالىپتاستىرۋعا باعىتتالادى. بۇل مالىمەتتەردى جەكە تۇلعا مەن زاڭدى تۇلعاعا قارسى پايدالانۋعا زاڭمەن تىيىم سالىنعان.

وسى رەتتە حالىق ساناعىنا قاتىساتىن ينتەرۆيۋەرلەر ەل ازاماتتارىنا قاتىستى اقپاراتتاردىڭ قۇپيالىلىعىن ساقتاۋعا قاتىستى ارنايى قۇجاتقا قول قويعانىن ايتا كەتۋىمىز كەرەك. ولار مالىمەتتەردىڭ قۇپيالىلىعىنا جاۋاپ بەرەدى.

حالىق ساناعى كەزىندە ەل ازاماتتارى رەسپوندەنتتەردىڭ قويعان سۇراقتارىنا رەت-رەتىمەن جاۋاپ بەرۋى ءتيىس. رەسپوندەتتەرگە بەرىلگەن مالىمەتتەر ەشقانداي جەرگە جاريالانبايدى. الىنعان اقپاراتتار ارنايى كودپەن ق ر ۇلتتىق ستاتيستيكا بيۋروسىنىڭ بازاسىنا كەلىپ تۇسەدى. وسىلايشا اقپاراتتى قۇپيالىلىعى تولىقتاي ساقتالادى. اشىق مالىمەتتەر بازاسىنا تەك جالپىلاما اقپاراتتار جاريالانادى. ولار – حالىقتىڭ سانى، جىنىسى، جاسى، تۇرعىلىقتى جەرى، تۇراتىن ءوڭىرى سىندى اقپاراتتار.

ۇسىنىلعان
سوڭعى جاڭالىقتار