الماتى قورىعى اۋماعىندا العاشقى بايشەشەكتەر گۇلدەدى، دەپ حابارلايدى Dalanews.kz.
الاتاۋ بايشەشەگى (Grogus alatavicus) – كۇن جىلىنىپ، شۋاقتى كوكتەمنىڭ كەلگەنىن العاش بولىپ حابارلايتىن، اۋا رايىن تالعامايتىن گۇل. ول قورىق اۋماعىنداعى ءىرى قيىرشىق تاستى جەرلەردە، تاۋ ەتەگىنەن ورمان بەلدەۋىنىڭ جوعارعى شەكاراسىنا دەيىنگى بۇتالى القاپتاردا وسەدى.
ەسكەرەتىن جايت – الاتاۋ بايشەشەگى كۇننەن-كۇنگە سيرەپ بارا جاتىر. سوندىقتان 2006 جىلدان بەرى قىزىل كىتاپقا ەنگىزىلگەن. زاڭسىز جۇلىنعان ءاربىر بايشەشەك ءۇشىن 0،5 ايلىق ەسەپتىك كورسەتكىش كولەمىندە ايىپپۇل قاراستىرىلعان.
