الماتى – قاپشاعاي: ءقاۋىپتى جول

Dalanews 01 اقپ. 2016 10:11 116

الماتى-قاپشاعاي تاس جولىندا ءبىر كۇندە 15-تەن استام كولىك اپاتى تىركەلدى. اراسىندا جەڭىل كولىكتەردەن وزگە قالاارالىق اۆتوبۋستار مەن اۋىر تەحنيكا جانە پوليسيا ماشيناسى دا بار.

جاڭبىر جاۋىپ، ارتىنان اياز تۇرعاندىقتان بەتون قۇيىلعان تەپ-تەگىس جولدىڭ بەتى ايناداي مۇزعا اينالعان. سالدارىنان باياۋ جىلدامدىقپەن كەلە جاتقان كولىكتەردىڭ ءوزى توقتاي الماي، بىر-بىرىمەن سوقتىعىسىپتى. قاپشاعاي قالالىق اۋرۋحاناسىنا ءتۇرلى دارەجەدەگى جاراقات العان وننان استام ادام جەتكىزىلدى. قازىرگى تاڭدا بىرەۋىنەن باسقاسى ۇيلەرىنە جىبەرىلىپتى.

نەگىزى، تاس جولدى ارنايى تۇز قوسىندىسى بار رەاگەنتتەرمەن تازارتۋعا بولمايدى ەكەن. ول بەتوننىڭ ەرتە زاقىمدانۋىنا الىپ كەلەدى. ال جاۋاپتىلار قۇم توسەيمىز دەگەنشە جۇرگىزۋشىلەر تاقتايداي جولدىڭ ازابىن تارتۋدا.

ۇسىنىلعان
سوڭعى جاڭالىقتار
x