اعىمداعى جىلى الماتى وبلىسىندا اۋىلشارۋاشىلىعى داقىلدارىنىڭ ەگىس الاڭى 419،5 مىڭ گەكتاردى قۇرادى، بۇل وتكەن جىلعى 457،4 مىڭ گەكتارمەن سالىستىرعاندا 8،2%-عا ازايعان. ءداندى جانە ماساقتى ءداندى داقىلدار 112،0 مىڭ گەكتاردى، جۇگەرى 50،4 مىڭ گەكتاردى، كۇرىش 6،7 مىڭ گەكتاردى، مايلى داقىلدار 23،7 مىڭ گەكتاردى، كارتوپ 10،4 مىڭ گەكتاردى، كوكونىس 15،6 مىڭ گەكتاردى، باقشا داقىلدارى 1،8 مىڭ گەكتاردى، ازىقتىق داقىلدار 198،4 مىڭ گەكتاردى قامتيدى.
2023 جىلى ءداندى داقىلداردى جيناۋ الاڭى 169،2 مىڭ گەكتاردى قۇرادى، ال قازىرگى تاڭدا 119،1 مىڭ گەكتار جينالىپ، 271،2 مىڭ توننا استىق باستىرىلعان. جۇگەرى داقىلىنان 28،4 مىڭ توننا، كۇرىشتەن 18،5 مىڭ توننا، مايلى داقىلداردان 20،5 مىڭ توننا ءونىم الىندى. كارتوپ ونىمدىلىگى 242،1 س/گا، كوكونىس ونىمدىلىگى 250،8 س/گا قۇرادى.
وبلىستا 71 جەمىس-كوكونىس جانە كارتوپ قويمالارى بار، جالپى ساقتاۋ كولەمى 128،6 مىڭ توننا. 55 جىلىجاي شارۋاشىلىعى جۇمىس ىستەيدى، ونىڭ 20-سى ونەركاسىپتىك. جىلىجاي شارۋاشىلىقتارىن دامىتۋ ماۋسىمارالىق كەزەڭدە جاڭا كوكونىستەرمەن قامتاماسىز ەتۋگە باعىتتالعان.
كۇزگى-دالا جۇمىستارىن جۇرگىزۋ ءۇشىن 5 454 توننا ديزەل وتىنى ءبولىندى، ونىڭ 1 311،5 تونناسىاۋىل شارۋاشىلىعى تاۋارىن وندىرۋشىلەرگە جونەلتىلدى. تەحنيكا سانى 10،7 مىڭ بىرلىك، ونىڭ 61،4%-ى 25 جىلدان استام پايدالانىلۋدا.
مال شارۋاشىلىعىندا ءىرى قارا مال سانى 639،9 مىڭ باستى، ۇساق مال 2،8 ملن. باستى، جىلقى 233،9 مىڭ باستى، قۇستار 9،7 ملن. باستى قۇرادى. 2023 جىلدىڭ قاڭتار-تامىزىندا ەت ءوندىرىسى 160،4 مىڭ تونناعا جەتىپ، 15،7% ءوستى. ءسۇت ءوندىرىسى 189،2 مىڭ توننانى، تاۋىق جۇمىرتقاسى 340،1 ملن. دانانى قۇرادى.
وبلىستاعى سۋارمالى جەر كولەمى 270،5 مىڭگەكتار، سۋارۋ جەلىلەرىنىڭ جالپى ۇزىندىعى 9،4 مىڭ شاقىرىم. 2023 جىلى 3 سۋارۋ جەلىسىن جاڭارتۋ جۇمىستارىنا 3،5 ملرد. تەڭگە ءبولىندى، ناتيجەسىندە17،9 مىڭ گەكتار پايدالانىلمايتىن سۋارمالى جەرلەر اينالىمعا ەنگىزىلەتىن بولادى.
سۋ ۇنەمدەۋ تەحنولوگيالارىن ەنگىزۋ جوسپارى42،6 مىڭ گەكتار، قازىرگى تاڭدا 38،0 مىڭ گەكتار اۋماقتا سۋ ۇنەمدەۋ تەحنولوگيالارى ەنگىزىلدى.
2024-2026 جىلدارعا ارنالعان اگروونەركاسىپتىك سالاسىنداعى ينۆەستيسيالىق جوبالار بويىنشا جول كارتاسى ازىرلەندى. 2023 جىلى 7،1 ملرد. تەڭگە سوماسىنا 10 ينۆەستيسيالىق جوبا ىسكە اسىرىلاتىن بولادى.
«اۋىل اماناتى» باعدارلاماسى بويىنشا 8،3 ملرد. تەڭگە ءبولىنىپ، 1 090 شاعىن نەسيە بەرىلدى. اعىمداعى جىلى الماتى وبلىسىندا 17،6 ملرد. تەڭگە قاراستىرىلىپ، 2 514 شاعىن نەسيە بەرۋ جوسپارلانۋدا، 4 002 جاڭا جۇمىس ورنى اشىلادى.
مەملەكەتتىك قولداۋ مەن ينۆەستيسيالار اۋىلشارۋاشىلىعى مەن مال شارۋاشىلىعىن دامىتۋعا، ونىمدىلىكتى ارتتىرۋعا، جاڭا تەحنولوگيالاردى ەنگىزۋگە مۇمكىندىك بەرەدى، بۇل اۋىل حالقىنىڭ تابىسىن ارتتىرۋعا وڭ اسەر ەتەدى. «ءار اكىم اۋىل شارۋاشىلىعىنىڭ وكىلدەرىمەن مەملەكەتتىك قۇرىلىمداردىڭ اراسىنداعى كوپىر سىندى بولۋى كەرەك. اۋىلدىق وكرۋگتەردىڭ اكىمدىكتەرى اۋىلشارۋاشىلىعى ونىمدەرىن وندىرۋشىلەردىڭ سۇراقتارىنا جاۋاپ بەرىپ، سۋبسيديالار الۋ جولىندا كومەك كورسەتەتىن كونسالتينگتىك ورتالىقسياقتى جۇمىس ىستەۋى كەرەك. تىعىز قارىم-قاتىناس بولسا اۋىل شارۋاشىلىعى ءسوزسىز داميدى» - دەگەن مارات سۇلتانعازييەۆ، جەرگىلىكتى وزەكتى ماسەلەلەردى وبلىستىق جانە رەسپۋبليكالىق دەڭگەيدە كوتەرۋ جانە شەشۋ، اۋىلدىق وكرۋگ اكىمدەرى قىزمەتىن باعالاۋدىڭ ءبىر باعىتى بولىپ تابىلاتىندىعىن اتاپ ءوتتى.
سونىمەن قاتار الماتى وبلىسى اكىمىنىڭ تاپسىرماسىنا وراي بارلىق اۋىلدىق وكرۋگتەردىڭ عيماراتتارىندا،سۋبسيديالار جانە باسقا دا مەملەكەتتىك قولداۋ شارالارى جونىندە اقپاراتتىق ستەندتتەر ورناتىلعانىن اتاپ ءوتۋ كەرەك.
