جامبىل اۋدانىندا پوليسيا قىزمەتكەرلەرى 12 باس جىلقىنى ۇرلاۋ تۋرالى رەزونانستىق ءىستى اشتى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
وقيعا 8 قاراشادا اقدالا اۋىلىندا بولدى. شارۋا قوجالىعىنىڭ يەسى جالپى قۇنى 10،6 ملن تەڭگەنى قۇرايتىن 12 باس جىلقىنىڭ ۇرلانعانى تۋرالى ارىزداندى. پوليسيا قىلمىستىق ءىستى تىركەپ، دەرەۋ ىزدەۋگە كىرىستى.
– جەدەل-ىزدەستىرۋ ءىس-شارالارى بارىسىندا كۇدىكتى ۇستالدى. ول بۇرىن سوتتالعان جەرگىلىكتى تۇرعىن بولىپ شىقتى. جاۋاپ الۋ كەزىندە ول ءوزىنىڭ كىناسىن تولىق مويىندادى. ەر ادام ۋاقىتشا ۇستاۋ يزولياتورىنا قامالدى. قازىرگى ۋاقىتتا ونىڭ باسقا دا وسىنداي قىلمىستارعا قاتىسى بار-جوعى تەكسەرىلۋدە، – دەپ حابارلادى پوليسيادا.
وسىعان ۇقساس مال ۇرلىق وقيعالارى ىلە جانە ەڭبەكشىقازاق اۋداندارىندا تىركەلدى، وندا قاسكۇنەمدەر ءبىر جىلقى مەن ءىرى قارا مالدى ۇرلاپ اكەتكەن. كريمينالدىق پوليسيا قىزمەتكەرلەرىنىڭ ۇيلەسىمدى جۇمىسىنىڭ ارقاسىندا كۇدىكتىلەر ۇستالدى. قىلمىستىق ىستەر قوزعالدى، تەرگەۋ جۇرگىزىلۋدە.
پوليسيا مال يەلەرىنە ساقتىق شارالارىن ۇستانۋ كەرەكتىگىن ەسكەرتەدى. مال ۇرلىعى جاعدايلارىنىڭ كوپشىلىگى ءتىرى مۇلىكتى قورعاۋعا نەمقۇرايلى قاراۋعا بايلانىستى. ءتارتىپ ساقشىلارى ازاماتتاردى قاسكۇنەمدەردىڭ قۇربانى بولماس ءۇشىن مالدى ءتيىستى قاراۋسىز قالدىرماۋعا شاقىرادى.
