الماتى وبلىسى اكىمى اپپاراتى باسشىسىنىڭ ورىنباسارى بولىپ بايعالىق ەرنات ەلۋباي ۇلى تاعايىندالدى، دەپ حابارلايدى Dalanews.kz
بايعالىق ەرنات ەلۋباي ۇلى 1983 جىلى دۇنيەگە كەلگەن. ءبىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىندە «ەكونوميكا جانە مەنەدجمەنت» (2004 جىل)، «قۇقىق جانە ەكونوميكا نەگىزدەرى» (2006 جىل) ماماندىقتارى بويىنشا ءبىلىم العان. سونىمەن قاتار، تۇران ۋنيۆەرسيتەتىن «قۇقىقتانۋ» ماماندىعى بويىنشا ءتامامداعان.
ەڭبەك جولىن 2005 جىلى الماتى قالاسى المالى اۋدانى بويىنشا سالىق كوميتەتىنىڭ سالىق ينسپەكتورى رەتىندە باستاعان. كەيىننەن المالى اۋدانىنىڭ سالىق باسقارماسىندا ءبولىم باسشىسى قىزمەتىن اتقاردى. سونداي-اق، ءار جىلدارى الماتى وبلىسىندا قارجىلىق باقىلاۋ ينسپەكسياسىنىڭ باس مامانى، باس باقىلاۋشى-تەكسەرۋشىسى، ىشكى مەملەكەتتىك اۋديت دەپارتامەنتىنىڭ ءبولىم باسشىسى، باسشىنىڭ ورىنباسارى، تەكسەرۋ كوميسسياسىنىڭ مۇشەسى رەتىندە جۇمىس ىستەدى.
2023 جىلدىڭ قاراشاسىنان باستاپ وبلىس اكىمى اپپاراتىندا ىشكى اۋديت قىزمەتىنىڭ باسشىسى لاۋازىمىندا قىزمەت اتقاردى.
