الماتى قالاسى مادەنيەت باسقارماسىنىڭ باسشىسى عاني مايلىبايەۆ الماتى وبلىسى اكىمىنىڭ ورىنباسارى قىزمەتىنە بارا جاتىر، دەپ حابارلايدى Dalanews.kz.
ەستەرىڭىزدە بولسا، جاقىندا الماتى وبلىسى اكىمىنىڭ ورىنباسارى نۇرلان ءابدىراحىم الماتى قالاسى اكىمىنىڭ ورىنباسارى قىزمەتىنە تاعايىندالعان ەدى.
مايلىبايەۆ كىم؟
عاني مايلىبايەۆ 1987 جىلى 10 قىركۇيەكتە دۇنيەگە كەلگەن. ول اباي اتىنداعى قازاق ۇلتتىق پەداگوگيكالىق ۋنيۆەرسيتەتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ەڭبەك جولىن 2008 جىلى Nur Otan پارتياسىنىڭ الماتىداعى بوستاندىق اۋداندىق فيليالىنىڭ باس بۋحگالتەرى قىزمەتىنەن باستاعان.
ءتۇرلى جىلدارى پارتيانىڭ الاتاۋ اۋداندىق فيليالىندا زاڭ كەڭەسشىسى، كەڭەسشى بولىپ جۇمىس ىستەدى.
2014-2015 جىلدارى Nur Otan پارتياسى مەدەۋ اۋداندىق فيليالى ءتوراعاسىنىڭ ءبىرىنشى ورىنباسارى بولدى.
2015-2019 جىلدارى الماتى قالاسى مەدەۋ اۋدانى اكىمىنىڭ ورىنباسارى قىزمەتىن اتقارعان.
2019-2020 جىلدارى ناۋرىزباي اۋدانى اكىمىنىڭ ورىنباسارى بولدى.
2020 جىلعا دەيىن ول جامبىل وبلىسى اكىمدىگى تۋريزم باسقارماسىنىڭ باسشىسى بولىپ جۇمىس ىستەدى.
