الماتىلىقتار مەترو اقىسىن تىكەلەي تۋرنيكەتتە بانك كارتاسىمەن تولەي الادى، دەپ حابارلايدى Dalanews.kz.
كەلەر جىلدان باستاپ الماتى مەتروسىنداعى بارلىق تۋرنيكەتتەر جاڭارتىلىپ، بايلانىسسىز تولەم جۇيەسىمەن جابدىقتالادى.
جولاۋشىلار ەندى بانك كارتاسى نەمەسە Apple Pay، Google Pay، Samsung Pay سياقتى سەرۆيستەر ارقىلى تىكەلەي تۋرنيكەتتە تولەم جاساي الادى.
بۇل جاڭاشىلدىق كىرۋ كەزىندەگى ۇزىن-سونار كەزەكتەردى ازايتۋعا باعىتتالعان. قازىرگى ONAY جۇيەسى كەيدە تولەمدى 7 سەكۋندقا دەيىن وڭدەيدى، بۇل ءوز كەزەگىندە تۋرنيكەت ماڭىندا كەپتەلىس تۋدىرادى.
سونىمەن قاتار، كەشكى ۋاقىتتاردا پويىزداردىڭ ءجۇرۋ ارالىعى قىسقارماق. قالا بيلىگىنىڭ مالىمەتىنشە، مەتروپوليتەن قۇرامىنا قوسىمشا 10 جاڭا پويىز ەنگىزىلەدى.
