الماتى مەتروسى جولاۋشىلار سانى بويىنشا ايلىق رەكورد ورناتتى, دەپ حابارلايدى Dalanews.kz.
2025 جىلدىڭ قىركٷيەگٸندە الماتى مەتروپوليتەنٸ 3,1 ميلليوننان استام جولاۋشىعا قىزمەت كٶرسەتتٸ. بۇل كٶرسەتكٸش 2024 جىلدىڭ قىركٷيەگٸمەن سالىستىرعاندا 21%-عا جوعارى. بۇل قر ۇلتتىق ستاتيستيكا بيۋروسىنىڭ قولجەتٸمدٸ دەرەكتەرٸ بويىنشا كەز كەلگەن ايداعى جاڭا رەكورد.
جولاۋشىلار اعىنىنىڭ ٶسۋٸ جىل بويى بايقالىپ كەلەدٸ: 2025 جىلدىڭ توعىز ايىندا اي سايىنعى ورتاشا ٶسٸم شامامەن 14% بولدى, ال 2024 جىلى بۇل كٶرسەتكٸش ورتا ەسەپپەن 1% بولعان.
كەيبٸر تەۋلٸكتٸك رەكوردتار دا جاڭاردى «قايرات» پەن «رەال» اراسىنداعى ماتچ كٷنٸ مەترونى شامامەن 143 مىڭ جولاۋشى پايدالانعان.
