2025 جىلعى 22 قاراشادا جۋرناليستەر مەن بلوگەرلەر اراسىنداعى داستۇرگە اينالعان شاحمات ءتۋرنيرى – «ەكى ەلوردا كۋبوگى 2025» (Media Chess Cup 2025) ءوتتى. ونلاين-فينالدا الماتىلىق گريگوريي ءفودوروۆتى جەڭگەن استانالىق ابديحادير ياحيايەۆ جەڭىمپاز اتاندى، دەپ حابارلايدى Dalanews.kz
قازاقستاندا شاحمات ەڭ كەڭ تارالعان سپورت تۇرلەرىنىڭ ءبىرى بولىپ تابىلادى. 2024 جىلى قازاقستاندىق شاحماتشىلار حالىقارالىق شاحمات فەدەراسياسىنىڭ (فيدە) جانە ازيا شاحمات فەدەراسياسىنىڭ (ACF) قامقورلىعىمەن ۇيىمداستىرىلعان رەسمي تۋرنيرلەردە رەكوردتىق 160 مەدال جەڭىپ الدى، ونىڭ 55ء-ى التىن. 2025 جىلدىڭ ناتيجەسى بۇل كورسەتكىشتەن اسىپ تۇسەتىنى ءشۇباسىز.
شاحماتتى ناسيحاتتاۋدا ءباسپاسوزدىڭ، ينتەرنەت-باسىلىمداردىڭ، راديو مەن تەلەديداردىڭ ماڭىزدى ءرولىن ەسكەرە وتىرىپ، تۋرنير ۇيىمداستىرۋشىلارى — قازاقستان شاحمات فەدەراسياسى (KazChess) جانە «Chessنو گوۆوريا» تەلەگرام ارناسى — بۇقارالىق اقپارات قۇرالدارى وكىلدەرى مەن بلوگەرلەرگە ارنالعان «ەكى استانانىڭ كۋبوگى 2025» (Media Chess Cup 2025) ءتۋرنيرىن ەكىنشى جىل قاتارىنان وتكىزەدى. ءتۋرنيردىڭ باس اقپاراتتىق سەرىكتەسى — Freedom Holding Corp. قولداۋىمەن شىعاتىن رەسپۋبليكالىق ەكونوميكالىق باسىلىم «دەلوۆوي كازاحستان». ءىس-شارا 26 قاراشادا اتالىپ وتەتىن دۇنيەجۇزىلىك اقپارات كۇنىنە وراي ۇيىمداستىرىلدى.
وعان ب ا ق وكىلدەرى – جۋرناليستەر، رەداكتورلار، فوتوگرافتار، بەينەوپەراتورلارلار، سونداي-اق كەمىندە 3000 جازىلۋشىدان قۇرالعان اۋديتورياسى بار جانە سوڭعى ءۇش ايداعى بەلسەندىلىگى 15 جاريالانىمنان كەم ەمەس بلوگەرلەر قاتىسا الادى. وسى ورايدا ۋاقىت باقىلاۋدىڭ كەز كەلگەن نۇسقاسىنداعى ولاردىڭ فيدە رەيتينگى 2025-تەن اسپاۋى كەرەك (2025 جىلدىڭ 1 قازانىنداعى دەرەك بويىنشا).
2025 جىلعى 22 قاراشا، ساعات 11.30-دا KazChess/قشف ءبىرىنشى ۆيسە-پرەزيدەنتى دارمەن ءسادۋاقاسوۆ قۇتتىقتاۋ ءسوز سويلەگەن قىسقا راسىمنەن كەيىن، ءتۋرنيردىڭ باس تورەشىسى اسىلحان قارايەۆ ءتۋرنيردى اشىق دەپ جاريالادى.
استانادا - 34 جانە الماتىدا 21 قاتىسۋشى وسى ەكى قالانىڭ ۇزدىك ويىنشىلارىن انىقتاۋ ءۇشىن شاحمات تاقتالارىنا وتىردى. جارىس شەڭبەرىندە شۆەيساريالىق جۇيە بويىنشا 7 تۋر ءوتتى، ۋاقىت باقىلاۋ نۇسقاسى راپيد 10+2 (پارتياعا 10 مينۋت بەرىلەدى جانە ءار ءجۇرىس ءۇشىن بىرىنشىسىنەن باستاپ 2 سەكۋند قوسىلادى). ال سودان كەيىن ولار Lichess.org ويىن پلاتفورماسىندا ونلاين-رەجيمدە اركىمنىڭ ارمانىنداعى كۋبوكتىڭ يەگەرى اتانۋعا لايىق ەڭ مىقتى شاحماتشىنى انىقتايدى.
استانادا جەڭىمپازداردىڭ ۇشتىگىنە كىرگەن ويىنشىلار: ابديحادير ياحيايەۆ (راپيدتەگى رەيتينگى – 1889) – 6 ۇپاي، الماس قوجامجاروۆ (1557) – 5½ ۇپاي جانە ءانۋار جومارت (0) – 5½ ۇپاي. الماتىدا 6½ ۇپايعا قول جەتكىزگەن گريگوريي ءفودوروۆ (1880) 6 ۇپاي جيناعان ساعىنىش اڭسابايەۆتان (1695) جانە 5 ۇپاي العان جانبولات تورەشوۆتان (1855) باسىم ءتۇسىپ، جەڭىسكە جەتتى.
تيىسىنشە، ياحيايەۆ پەن ءفودوروۆ قورىتىندى 1ء-شى ورىن ءۇشىن فيگۋرالاردىڭ ءتۇسى اۋىساتىن، ەكى پارتيادان تۇراتىن ونلاين-ماچ وتكىزدى، ال قوجامجاروۆ پەن اڭسابايەۆ 3ء-شى ورىن ءۇشىن ب ا ق سىناستى. پارتيانى اق تۇسپەن ويناپ باستاعان ياحيايەۆ تا، قوجامجاروۆ تا ۇتىلدى. ءبىراق سوڭعىسى ەكىنشى پارتيادا دا جەڭىلىپ قالسا، ياحيايەۆ ەسەسىن قايتارىپ الدى. ونىڭ فودوروۆپەن بليستە العاشقى جەڭىسكە دەيىن 3+1 تاي-برەيك ويناۋىنا تۋرا كەلدى. ناتيجەسىندە شىمكەنتتەن كەلگەن، اق فيگۋرالارمەن ويناعان 49 جاستاعى وكىلى جەڭىسكە جەتتى (قارالار ۋاقىتىن وتكىزىپ الدى)!
ءتۋرنيردىڭ جۇلدە قورى 1 800 000 تەڭگەنى قۇرادى. ول كەلەسىدەي ءبولىندى:
«ەكى ەلوردا كۋبوگى 2025» (Media Chess Cup 2025):
- 1ء-شى ورىن – ابديحادير ياحيايەۆ (₸500 000)؛
- 2ء-شى ورىن – گريگوريي ءفودوروۆ (₸300 000)؛
- 3ء-شى ورىن – ساعىنىش اڭسابايەۆ (₸200 000)؛
- 4ء-شى ورىن – الماس قوجامجاروۆ (₸150 000).
الماتى جانە استانا:
- 3ء-شى ورىن – جانبولات تورەشوۆ جانە ءانۋار جومارت (ءارقايسىسى ₸125 000)؛
- 4ء-شى ورىن – ەدىگە دوسجانوۆ جانە مەرەي ەرمۇقانوۆ (ءارقايسىسى ₸75 000)؛
- 5ء-شى ورىن – زاڭعار مىرگالي جانە جالەل نۇرىشيەۆ (ءارقايسىسى ₸50 000)؛
- بلوگەرلەر اراسىنداعى ۇزدىكتەر – نۇراحمەت بايجان جانە اسقار بەكوۆ (ءارقايسىسى ₸25 000)؛
- قىزدار اراسىنداعى ۇزدىكتەر – ديلايلا ءسادۋاقاسوۆا جانە ءلاززات تۇشكەنوۆا (ءارقايسىسى ₸25 000)؛
- سەنورلار اراسىنداعى ۇزدىكتەر – مارات مۇلكىبايەۆ جانە تىلەۋلەس ەلەۋوۆ (ءارقايسىسى ₸25 000).
