28 قاڭتار كۇنى الماتى اۋەجايىنداعى ىشكى ىستەر جەلىلىك بولىمىنە قالا تۇرعىنى حابارلاسىپ، 25 جەلتوقساندا «اقتوبە – الماتى – كييەۆ» باعىتىنداعى اۋە رەيسىمەن ۇشۋ كەزىندە ءوزىنىڭ قول جۇگىنەن سۋ جاڭا ۇيالى تەلەفون مەن زەرگەرلىك بۇيىمدار – سىرعالاردىڭ ۇرلانعانىن ايتقان.
جابىرلەنۋشى جەكە زاتتارىنىڭ قولدى بولعانىن كييەۆ اۋەجايىنا قونعاندا ءبىر-اق بىلگەن.
كولىك پوليسەيلەرى وسى دەرەك بويىنشا جەدەل-ىزدەستىرۋ شارالارى بارىسىندا «الماتى حالىقارالىق اۋەجايى» اق-دا قابىلداپ-تاپسىرۋشى قىزمەتىندە جۇمىس ىستەيتىن ەكى جاس جىگىتتى انىقتاپ، ۇستادى. ولار جۇمىس ورنىندا الدىن الا ءوزارا كەلىسە وتىرىپ، ۇرلىق جاساعان.
ۇرلانعان زاتتار تاركىلەنىپ الىندى.
كۇدىكتىلەر الماتى قالاسى ءىىد ۋاقىتشا ۇستاۋ يزولياتورىنا قامالدى.
ولارعا قاتىستى ق ر قك 188-بابى 2ء-بولىمى 1-تارماعى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلۋدە.
قازىرگى ۋاقىتتا ۇستالعانداردىڭ بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالىپ جاتىر، دەپ حابارلادى كولىكتەگى ءىىد باسپا ءسوز قىزمەتى.
