ٸشكٸ ٸستەر مينيسترٸنٸڭ ورىنباسارى مارات ەدٸلوۆ الماتى ەۋەجايىندا بولعان وقيعا كەزٸندە پوليتسەيلەردٸڭ ەرەكەتٸنە قاتىستى تاراعان اقپاراتتى جوققا شىعاردى, دەپ حابارلايدى Dalanews.kz.
“بۇل – مٷلدە جالعان اقپارات. پوليتسەيلەر ٶز مٸندەتتەرٸن ورىندادى,” – دەدٸ ەدٸلوۆ.
ٸٸم اتالعان وقيعاعا قاتىستى قىزمەتتٸك تەكسەرٸس جٷرگٸزٸپ جاتىر. ونىڭ نەتيجەلەرٸ قوسىمشا حابارلاناتىن بولادى.
ەسكە سالايىق, بۇعان دەيٸن الماتىدا ەر ادام ەۋەجاي قىزمەتكەرٸن كەپٸلگە العانىن جازعان ەدٸك.
ەۋەجاي ٶكٸلدەرٸنٸڭ سٶزٸنشە, 7 ناۋرىزدا ەۋەجايدىڭ ۇشۋ الدىنداعى تەكسەرۋ ايماعىندا بولعان.
ساعات 11:45 شاماسىندا ٶزٸن جولاۋشى رەتٸندە تانىستىرعان ەر ادام ٸشكٸ تەرمينالداعى (ت1) رەيس الدىنداعى تەكسەرۋ ايماعىنا كەلگەن. الماتى حالىقارالىق ەۋەجايىنىڭ اۆياتسييالىق قاۋٸپسٸزدٸك قىزمەتٸنٸڭ سكرينينگ قىزمەتكەرلەرٸ ەر ادامنان قۇجاتتارىن كٶرسەتۋدٸ سۇراعان, بٸراق ەر ادام سكرينينگ وفيتسەرٸن شاشىنان ۇستاپ الىپ, پىشاقپەن قورقىتا باستاعان.
7 مينۋتتان كەيٸن ەۋەجايدىڭ جەلٸلٸك پوليتسييا بٶلٸمٸنٸڭ (LPD) قىزمەتكەرلەرٸ جەنە الماتى حالىقارالىق ەۋەجايىنىڭ اۆياتسييالىق قاۋٸپسٸزدٸك قىزمەتكەرلەرٸ وقيعا ورنىنا كەلدٸ. الايدا كٷدٸكتٸنٸڭ قولىنداعى پىشاقتى مۇسا ەبدٸرايىموۆ ەسٸمدٸ ازامات تارتىپ الىپ, قىزعا كٶمەك كٶرسەتتٸ.
نەتيجەسٸندە پرەزيدەنت قاسىم-جومارت توقاەۆ الماتى ەۋەجايىندا قىلمىسكەردٸ ۇستاۋعا كٶمەكتەسكەن ەر ادامدى مەملەكەتتٸك ناگراداعا ۇسىنۋدى تاپسىردى.
بۇل تۋرالى پرەزيدەنتتٸڭ باسپاسٶز حاتشىسى رۋسلان جەلدٸباي جەلٸدەگٸ پاراقشاسىندا وسىلاي دەپ جازدى.
“پرەزيدەنت قىلمىسكەردٸڭ سۋىق قارۋىن تارتىپ الىپ, ۇستاۋعا كٶمەكتەسكەن ەر ادامنىڭ باتىلدىعىن ەرەكشە اتاپ ٶتٸپ, اتالعان ازاماتتى مەملەكەتتٸك ناگراداعا ۇسىنۋدى تاپسىردى” دەدٸ باسپاسٶز حاتشىسى.
كوزاچكوۆ تەلەگرام-ارناسىنىڭ جازۋىنشا, ول پوليتسييا قىزمەتكەرٸ ەمەس – وقيعا ورنىنا كەزدەيسوق تاپ بولعان جەنە [قىزمەتكەردٸ بوساتىپ], ٶزٸن كەپٸلدٸككە الۋدى ۇسىنعان. ۆيدەودا ونىڭ پىشاقتى ٷشكٸر جاعىنان جىلدام تارتىپ العانى كٶرٸنەدٸ.
