الماتى اكىمدىگى بلوگەرلەر، يميدجدىك ۆيدەولار جانە Tripadvisor جارناماسى ءۇشىن 1،2 ملرد تەڭگە جۇمساماق، دەپ حابارلايدى Dalanews.kz Bes.media-عا سىلتەپ.
قالادا تۋريستەردى قابىلداۋ ءۇشىن 37 ءقوناقۇي سالىنىپ جاتىر.
الماتى اكىمدىگى قالانى تۋريستىك باعىت رەتىندە ىلگەرىلەتۋ ءۇشىن بلوگەرلەر، جارناما جانە يميدجدىك ۆيدەولار ارقىلى 1،2 ملرد تەڭگە ءبولدى.
قاراجات ينفليۋەنسەرلەردى تارتۋعا، حالىقارالىق ءىس-شارالاردى قولداۋعا، Expedia جانە Tripadvisor-دا جارناما جاساۋعا، تۋريستىك گيدتەر ازىرلەۋگە جانە تۋريستىك اعىمداردى زەرتتەۋگە جۇمسالادى.
اكىمدىكتىڭ مالىمەتىنشە، وتكەن جىلى جۇرگىزىلگەن جارنامالىق كامپانيا 300 ملن اككاۋنتتى قامتىپ، الەۋمەتتىك جەلىلەردەگى بەلسەندىلىكتى 20 ملن ادامعا دەيىن ارتتىردى جانە 100 مىڭ تۋريست تارتتى. بۇل قالاعا 73،5 ملرد تەڭگە كىرىس اكەلدى.
باستى نازار – ءقوناقۇي قورىنىڭ دامۋىنا اۋدارىلۋدا. الماتىدا 5615 ءنومىرى بار 37 جاڭا ءقوناقۇي سالىنىپ جاتىر. ولاردىڭ 10-ى 2025 جىلى اشىلادى.
قوناقۇيلەردەن بولەك، قالادا 29 تۋريستىك نىسان سالىنىپ جاتىر، ولاردىڭ 14ء-ى 2025 جىلى اشىلادى.
