الماتى اكىمدىگى ايەلدەر ميتينگىن وتكىزۋگە رۇقسات بەردى

قاراكوز امانتاي 05 ناۋ. 2024 10:58 1248

قوعام بەلسەندىسى ءبيبىنۇر شەرالييەۆا Facebook جەلىسىندەگى پاراقشاسىندا باستاماشىل توپتىڭ ميتينگ وتكىزۋگە اكىمدىكتەن رۇقسات العانىن جازعان، دەپ حابارلايدى Dalanews.kz.

"ءبىز الماتى قالاسىنىڭ اكىمدىگىنە 7 ناۋرىز كۇنى م.گاندي ساياباعىندا "ايەلدەردىڭ لايىقتى ءومىرى ءۇشىن. زا دوستوينۋيۋ جيزن جەنششين!" تاقىرىبىندا ميتينگ وتكىزۋگە حابارلاما بەرگەن بولاتىنبىز. ءبىزدىڭ بەرگەن حابارلاماعا اكىمدىك تاراپىنان رۇقسات بەرىلدى"، - دەيدى قوعام بەلسەندىسى.

وسى تۇستا ول شەرۋدە ايەلدەرگە بايلانىستى وزەكتى تاقىرىپتار قوزعالاتىنىن اتاپ ءوتتى.

"وسىعان بايلانىستى سىزدەردى 7 ناۋرىز كۇنى ساعات 12:00-دە م.گاندي ساياباعىندا وتەتىن ءىس-شاراعا قاتىسۋعا شاقىرامىن. ميتينگ بارىسىندا قوعامداعى ايەلدەردىڭ وزەكتى ماسەلەلەرى كوتەرىلەدى. سونىمەن قاتار ايەلدەردىڭ لايىقتى ءومىرى ءۇشىن قاجەتتى تالاپتار ايتىلادى"، - دەدى شەرالييەۆا.


ۇسىنىلعان
سوڭعى جاڭالىقتار
x