ال، الماتى پوليسياسى بولسا، ستۋدەنت قىز الىپ-قاشۋدىڭ قۇربانى بولعاندىعى تۋرالى اقپاراتتى جوققا شىعارىپ وتىر.
بۇل تۋرالى 31 ارنا حابارلادى.
جەڭگەسىنەن ەكى ساعاتقا سۇرانىپ، سىنىپتاستارىمەن كەزدەسۋگە كەتكەن كۇيى ۇيىنە ورالماعان تىلەۋگۇلدىڭ جاقىندارى ارمانى اسقاق قىزدارىنىڭ ولىمىنە ءالى سەنە الار ەمەس. قازاق ۇلتتىق اگرارلىق ۋنيۆەرسيتەتىنىڭ ءبىرىنشى كۋرسىن ءتامامداعان ستۋدەنت، تاياۋدا عانا اقىلى بولىمنەن اۋىسۋ ءۇشىن، قوسىمشا تەست تاپسىرعان.
سول سىناقتا جوعارى بالل الىپ، “اكە-شەشەمنىڭ ۇكىلەپ وتىرعان ءۇمىتىن اقتايمىن” دەپ جۇرەگى الىپ-ۇشىپ قۋانىپ جۇرگەن قىزدىڭ ءوز-وزىن ولىمگە قيۋى مۇمكىن ەمەس دەيدى. ءوزى “ەركە” دەپ ەركەلەتە اتايتىن ءقايىنسىڭلىسىنىڭ سوڭعى حاتىن العان جەڭگەسى دە، قارالى حاباردىڭ وزدەرىنە كەش جەتكەنىنە كۇدىك كەلتىرەدى.
«ساعات سەگىز جارىم كەزىندە زۆونداپ باستادىق. تەلەفونىنا، ۆاتسابىنا كىرىپ وتىردى. تورتتە ونداي جاعدايدا بولعاندا، ونىڭ ۆاتسابىنا، تەلەفونىنا كىم كىرىپ وتىردى؟ جازالانسىن! ءبىز كەشكى ۋاقىتتا عانا تاپتىق ونى»
– دەيدى تىلەۋگۇلدىڭ جەڭگەسى ريزا باۋىرجان.
وزى-وجەت، باتىل، ءوز پىكىرىن جاسقانباي جەتكىزە الاتىن قىزدارىن – قاساقانا قىلمىستىڭ قۇربانى بولدى دەپ ەسەپتەيدى، مارقۇمنىڭ جاقىندارى. قارالى حابار قابىرعاسىن قايىستىرعان اناسى دا، ۇنەمى جايدارى جۇرەتىن تىلەۋگ ۇلىنىڭ ومىرمەن- وسىلاي قوشتاسا سالۋى مۇمكىن ەمەستىگىن ايتىپ، قىلمىستىق ءىستىڭ ءادىل تەرگەلۋىن سۇرايدى.
«ازيز دەگەن الىپ قاشقان. وقۋعا تۇسكەلى تۇرعان قۇلىنىم، وقۋعا تۇسەيىن دەپ تۇرعان قۇلىنىمدى الىپ قاشىپ وتىر. ءادىل جازاسىن بەرسىن! قۇلىنىمدى نەگە ولتىرەدى؟» – دەيدى تىلەۋگۇلدىڭ اناسى جانارگۇل بۇزاۋ قىزى.
تىلەۋگۇلدىڭ سوڭعى ساتتە كىممەن، سويلەسىپ، قاي قۇربىسىمەن تۋعان كۇنگە بارامىن دەگەنى جاقىندارىنا دا بەلگىسىز. ويتكەنى، قىزدارىنىڭ ۇيالى تەلەفونى – ءالى پوليسيا بولىمىندە. ال، الماتى قالالىق ءىىد باسپا ءسوز قىزمەتى بۇگىن تىلەۋگۇل قۋانىشتىڭ – الىپ-قاشۋدىڭ قۇربانى بولماعانىن ايتىپ، سۇحبات بەردى. وعان ستۋدەنتتىڭ ءومىرىنىڭ سوڭعى ساتتەرى ءتۇسىپ قالعان، ياعني وقيعا بولعان ءۇيدىڭ ەسىگىنىڭ الدىنداعى بەينەباقىلاۋ كامەراسىنداعى بەينەكادردىڭ دالەل ەكەنىن ايتتى.
