Al, Almaty politsiiasy bolsa, stýdent qyz alyp-qashýdyń qurbany bolǵandyǵy týraly aqparatty joqqa shyǵaryp otyr.
Bul týraly 31 arna habarlady.
Jeńgesinen eki saǵatqa suranyp, synyptastarymen kezdesýge ketken kúii úiine oralmaǵan Tileýgúldiń jaqyndary armany asqaq qyzdarynyń ólimine áli sene alar emes. Qazaq ulttyq agrarlyq ýniversitetiniń birinshi kýrsyn támamdaǵan stýdent, taiaýda ǵana aqyly bólimnen aýysý úshin, qosymsha test tapsyrǵan.
Sol synaqta joǵary ball alyp, “áke-sheshemniń úkilep otyrǵan úmitin aqtaimyn” dep júregi alyp-ushyp qýanyp júrgen qyzdyń óz-ózin ólimge qiiýy múmkin emes deidi. Ózi “Erke” dep erkelete ataityn qaiynsińlisiniń sońǵy hatyn alǵan jeńgesi de, qaraly habardyń ózderine kesh jetkenine kúdik keltiredi.
«Saǵat segiz jarym kezinde zvondap bastadyq. Telefonyna, vatsabyna kirip otyrdy. Tórtte ondai jaǵdaida bolǵanda, onyń vatsabyna, telefonyna kim kirip otyrdy? Jazalansyn! Biz keshki ýaqytta ǵana taptyq ony»
– deidi Tileýgúldiń jeńgesi Riza Baýyrjan.
Ózi-ójet, batyl, óz pikirin jasqanbai jetkize alatyn qyzdaryn – qasaqana qylmystyń qurbany boldy dep esepteidi, marqumnyń jaqyndary. Qaraly habar qabyrǵasyn qaiystyrǵan anasy da, únemi jaidary júretin Tileýgúliniń ómirmen- osylai qoshtasa salýy múmkin emestigin aityp, qylmystyq istiń ádil tergelýin suraidy.
«Aziz degen alyp qashqan. Oqýǵa túskeli turǵan qulynym, oqýǵa túseiin dep turǵan qulynymdy alyp qashyp otyr. Ádil jazasyn bersin! Qulynymdy nege óltiredi?» – deidi Tileýgúldiń anasy Janargúl Buzaýqyzy.
Tileýgúldiń sońǵy sátte kimmen, sóilesip, qai qurbysymen týǵan kúnge baramyn degeni jaqyndaryna da belgisiz. Óitkeni, qyzdarynyń uialy telefony – áli politsiia bóliminde. Al, Almaty qalalyq IID baspasóz qyzmeti búgin Tileýgúl Qýanyshtyń – alyp-qashýdyń qurbany bolmaǵanyn aityp, suhbat berdi. Oǵan stýdenttiń ómiriniń sońǵy sátteri túsip qalǵan, iaǵni oqiǵa bolǵan úidiń esiginiń aldyndaǵy beinebaqylaý kamerasyndaǵy beinekadrdyń dálel ekenin aitty.
