جۋرناليست جاننا الپىسباەۆا استانادا كٶلٸگٸنٸڭ ايىپ تۇراعىنا ەكەتٸلگەنٸن ايتىپ, پوليتسييانىڭ تۇراق ەرەجەسٸن بۇزعان جٷرگٸزۋشٸلەرگە بٸردەي شارا قولدانباعانىنا نارازىلىق بٸلدٸردٸ, دەپ حابارلايدى dalanews.kz.
ونىڭ سٶزٸنشە, كٶلٸگٸن دەمحانا ماڭىنداعى رۇقسات ەتٸلمەگەن جەرگە قالدىرعان. بٸراز ۋاقىتتان كەيٸن تەرەزەدەن اۆتوكٶلٸگٸنٸڭ ەۆاكۋاتورعا تيەلٸپ جاتقانىن كٶرگەن. جۋرناليست ەرەجە بۇزعانىن مويىندايدى, الايدا سول ماڭدا تۇرعان قىمبات جول تالعامايتىن كٶلٸكتەردٸڭ ورنىندا قالعانىن سىنعا الدى.
"كٶلٸگٸمدٸ دۇرىس ەمەس جەرگە قويعانىمدى جوققا شىعارمايمىن. بٸراق جانىندا تۇرعان ٶزگە قىمبات كٶلٸكتەرگە تيٸسپەگەنٸ اشۋلاندىردى. ولارعا ەڭ تٶمەنگٸ مٶلشەردە ايىپپۇل جازىلعانىن ٶز قۇلاعىممەن ەستٸدٸم. ال مەن تۇراق ەرەجەسٸن بۇزعانىم ٷشٸن ايىپپۇلمەن بٸرگە ەۆاكۋاتور قىزمەتٸنٸڭ اقىسىن دا تٶلەۋگە مەجبٷر بولدىم", – دەدٸ ول.
الپىسباەۆانىڭ ايتۋىنشا, پوليتسييا قىزمەتكەرٸ اۋىر جول تالعامايتىن كٶلٸكتەردٸ ەۆاكۋاتوردىڭ ارقانى كٶتەرە الماعانىن تٷسٸندٸرگەن. نەتيجەسٸندە جەڭٸل كٶلٸكتەر عانا ايىپ تۇراعىنا جەتكٸزٸلگەن.
جۋرناليست كەيٸن ايىپ تۇراعىنا بارىپ, ەۆاكۋاتور قىزمەتٸ ٷشٸن QR-كود ارقىلى شامامەن 13 مىڭ 500 تەڭگە تٶلەگەنٸن جەتكٸزدٸ.
ەزٸرگە استانا قالاسىنىڭ پوليتسييا دەپارتامەنتٸ اتالعان جاعدايعا قاتىستى رەسمي تٷسٸنٸكتەمە بەرگەن جوق.
