Jýrnalist Janna Alpysbaeva Astanada kóliginiń aiyp turaǵyna áketilgenin aityp, politsiianyń turaq erejesin buzǵan júrgizýshilerge birdei shara qoldanbaǵanyna narazylyq bildirdi, dep habarlaidy dalanews.kz.
Onyń sózinshe, kóligin dámhana mańyndaǵy ruqsat etilmegen jerge qaldyrǵan. Biraz ýaqyttan keiin terezeden avtokóliginiń evakýatorǵa tielip jatqanyn kórgen. Jýrnalist ereje buzǵanyn moiyndaidy, alaida sol mańda turǵan qymbat jol talǵamaityn kólikterdiń ornynda qalǵanyn synǵa aldy.
"Kóligimdi durys emes jerge qoiǵanymdy joqqa shyǵarmaimyn. Biraq janynda turǵan ózge qymbat kólikterge tiispegeni ashýlandyrdy. Olarǵa eń tómengi mólsherde aiyppul jazylǵanyn óz qulaǵymmen estidim. Al men turaq erejesin buzǵanym úshin aiyppulmen birge evakýator qyzmetiniń aqysyn da tóleýge májbúr boldym", – dedi ol.
Alpysbaevanyń aitýynsha, politsiia qyzmetkeri aýyr jol talǵamaityn kólikterdi evakýatordyń arqany kótere almaǵanyn túsindirgen. Nátijesinde jeńil kólikter ǵana aiyp turaǵyna jetkizilgen.
Jýrnalist keiin aiyp turaǵyna baryp, evakýator qyzmeti úshin QR-kod arqyly shamamen 13 myń 500 teńge tólegenin jetkizdi.
Ázirge Astana qalasynyń politsiia departamenti atalǵan jaǵdaiǵa qatysty resmi túsinikteme bergen joq.
